رووداو- هەولێر
پارێزگاری کەرکووک پێیوایە لە کەرکووک جگە لە نەیارانی دەرەکی، نەیارانی کوردیش هەن، کە دەیانەوێت وا نیشان بدەن، لایەنی کوردی توانای پاراستنی کەرکووکی نییە و ئاماژە بەوەشدەکات، کە " لە هەولێریش پەلاماری تیرۆریستی روویداوە."
نەجمەدین کەریم، پارێزگاری کەرکووک، لە گفتوگۆیەکدا لەگەڵ رۆژنامەی کوردستانی نوێ و لە ژمارەی 6257 ئەو رۆژنامەیە رایگەیاند: "ئەمڕۆ لە کەرکووک جگە لە نەیارانی دەرەکی، نەیارانی کوردیش هەن لەناو پەرلەمانی عێراق و دەورووبەری پارێزگای کەرکووکیش، کە دەیانەوێت وای پیشان بدەن، لایەنی کوردی توانای پاراستنی ئەمنییەتی کەرکووکی نییە، بۆیە پێویستە لایەنی کوردی و میدیای کوردیی پێکهاتەی دەزگای ئەمنی کەرکووک بزانن."
پارێزگاری کەرکووک پێیوایە تیرۆر لە هەولێریش روویداوە و دەڵێت: "تیرۆر لە هەموو عێراق هەیە، لەهەولێری پایتەختی هەرێمی کوردستانیش، کە لە یەک میللەتیش پێکهاتووە، پەلاماری تیرۆریستی روویداوە. بۆیە حەق وایە هەمووان پشتی یەکتربین و تۆمەت خستنە سەر یەک کارێکی زۆر خراپە."
نەجمەدین کەریم سەبارەت بە بانگهێشتکردنی هێزی دژە تیرۆر بۆ پشتیوانیکردنی هێزە ئەمنییەکانی کەرکووک لەو پەلامارەی لە ماوەی رابردوودا کرایە سەر باڵەخانەی دەزگای هەواڵگری و جەواهیر مۆڵ لە کەرکووک، گوتی:"یەکەم جار نییە هێزی دژە تیرۆر بێنە کەرکووک و هاوکاری خەڵک و دەزگا ئەمنییەکانی کەرکووک بکەن، ئەو هێزە لەمەوبەریش رۆڵی باشیان لە کەرکووک گێڕاوە."
پارێزگاری کەرکووک رەخنەگران لە هێنانی دژە تیرۆر بۆ کەرکووک، دەخاتە پاڵ شۆڤێنییەکان و فەرماندەی ئۆپەراسیۆنی دیجلە و رایگەیاند: "بەداخەوە ئەوانەی، کە رەخنە لە هێنانی هێزی دژەتیرۆر دەگرن، هەڵوێستەکەیان لەگەڵ هەڵوێستی شۆڤێنیەکانی ناو پەرلەمانی عێراق و فەرماندەکانی ئۆپەراسیۆنی دیجلەدا یەک دەگرێتەوە، چونکە هەڵوێستی هەردوولایان بەرامبەر بە هێزەکانی دژە تیرۆر وەکو یەک بوون."
نەجمەدین کەریم گوتیشی: "ئێمە دەڵێین ئەوە هێزی دژە تیرۆر و پۆلیسی کەرکووک بوون، کە توانییان 11 هاووڵاتی بارمتەکراوی کەرکووک لە ژێر دەستی تیرۆریستان لەو پەلامارەدا رزگار بکەن نەک هێزی دیجلە."
لە رۆژی 4-12-2013 لەلایەن چەند چەکدارێکەوە هێرش کرایە سەر باڵەخانەی دەزگای هەواڵگری و باڵەخانەی جەواهیر مۆڵ لە بەرامبەر ئەو دەزگایە لە شاری کەرکووک و بۆ کۆنترۆڵکردنی بارودۆخەکە، هێزێکی دژەتیرۆر لەسەر بانگهێشتی پارێزگاری کەرکووک، لە سلێمانییەوە رۆیشتنە ئەو شارە.
پارێزگاری کەرکووک پێیوایە لە کەرکووک جگە لە نەیارانی دەرەکی، نەیارانی کوردیش هەن، کە دەیانەوێت وا نیشان بدەن، لایەنی کوردی توانای پاراستنی کەرکووکی نییە و ئاماژە بەوەشدەکات، کە " لە هەولێریش پەلاماری تیرۆریستی روویداوە."
نەجمەدین کەریم، پارێزگاری کەرکووک، لە گفتوگۆیەکدا لەگەڵ رۆژنامەی کوردستانی نوێ و لە ژمارەی 6257 ئەو رۆژنامەیە رایگەیاند: "ئەمڕۆ لە کەرکووک جگە لە نەیارانی دەرەکی، نەیارانی کوردیش هەن لەناو پەرلەمانی عێراق و دەورووبەری پارێزگای کەرکووکیش، کە دەیانەوێت وای پیشان بدەن، لایەنی کوردی توانای پاراستنی ئەمنییەتی کەرکووکی نییە، بۆیە پێویستە لایەنی کوردی و میدیای کوردیی پێکهاتەی دەزگای ئەمنی کەرکووک بزانن."
پارێزگاری کەرکووک پێیوایە تیرۆر لە هەولێریش روویداوە و دەڵێت: "تیرۆر لە هەموو عێراق هەیە، لەهەولێری پایتەختی هەرێمی کوردستانیش، کە لە یەک میللەتیش پێکهاتووە، پەلاماری تیرۆریستی روویداوە. بۆیە حەق وایە هەمووان پشتی یەکتربین و تۆمەت خستنە سەر یەک کارێکی زۆر خراپە."
نەجمەدین کەریم سەبارەت بە بانگهێشتکردنی هێزی دژە تیرۆر بۆ پشتیوانیکردنی هێزە ئەمنییەکانی کەرکووک لەو پەلامارەی لە ماوەی رابردوودا کرایە سەر باڵەخانەی دەزگای هەواڵگری و جەواهیر مۆڵ لە کەرکووک، گوتی:"یەکەم جار نییە هێزی دژە تیرۆر بێنە کەرکووک و هاوکاری خەڵک و دەزگا ئەمنییەکانی کەرکووک بکەن، ئەو هێزە لەمەوبەریش رۆڵی باشیان لە کەرکووک گێڕاوە."
پارێزگاری کەرکووک رەخنەگران لە هێنانی دژە تیرۆر بۆ کەرکووک، دەخاتە پاڵ شۆڤێنییەکان و فەرماندەی ئۆپەراسیۆنی دیجلە و رایگەیاند: "بەداخەوە ئەوانەی، کە رەخنە لە هێنانی هێزی دژەتیرۆر دەگرن، هەڵوێستەکەیان لەگەڵ هەڵوێستی شۆڤێنیەکانی ناو پەرلەمانی عێراق و فەرماندەکانی ئۆپەراسیۆنی دیجلەدا یەک دەگرێتەوە، چونکە هەڵوێستی هەردوولایان بەرامبەر بە هێزەکانی دژە تیرۆر وەکو یەک بوون."
نەجمەدین کەریم گوتیشی: "ئێمە دەڵێین ئەوە هێزی دژە تیرۆر و پۆلیسی کەرکووک بوون، کە توانییان 11 هاووڵاتی بارمتەکراوی کەرکووک لە ژێر دەستی تیرۆریستان لەو پەلامارەدا رزگار بکەن نەک هێزی دیجلە."
لە رۆژی 4-12-2013 لەلایەن چەند چەکدارێکەوە هێرش کرایە سەر باڵەخانەی دەزگای هەواڵگری و باڵەخانەی جەواهیر مۆڵ لە بەرامبەر ئەو دەزگایە لە شاری کەرکووک و بۆ کۆنترۆڵکردنی بارودۆخەکە، هێزێکی دژەتیرۆر لەسەر بانگهێشتی پارێزگاری کەرکووک، لە سلێمانییەوە رۆیشتنە ئەو شارە.
