رووداو- کەرکووک
ناوچەی تەل وەرد بەتەواوەتی کەوتە دەست هێزی پێشـمەرگەوە و تەقە تێیدا راوەستاوە.
سەرچاوەیەکی رووداو لە ناوچەی تل وەردی رۆژئاوای کەرکووکەوە رایگەیاند: "کاژێر 6ی ئێوارەی ئەمڕۆ بەتەواوەتی تەقە لە تل وەرد راوەستا و کەوتە دەست پێشمەرگە".
بەگوتەی ئەو سەرچاوەیەی رووداو "چەکدارانی داعش تەنیا بە چەکی قەناس شەڕیان دەکرد و نزیک نەدەبوونەوە".
هەروەها سەرچاوەیەکە رەتیدەکاتەوە هێزەکانی دژە تیرۆر لە ئۆپەراسیۆنەکەدا بەشداربووبن و دەڵێت: "لیوای یەکی پێشمەرگە و هێزەکانی دیکەی پۆلیسی قەزا و ناحیەکانی دەوروبەری کەرکووک بەشداربوون".
