گوتەبێژی داعش
رووداو - هەولێر
ئەبو عومەر، گوتەبێژی گرووپی دەوڵەتی ئیسلامی لە عێراق و شام لە موسڵ، لە لێدوانێکدا بۆ تۆڕی میدیایی رووداو باسی هێرشەکەی ئەمڕۆیان دەکات بۆسەر پارێزگای نەینەوا و دەڵێت کاردانەوەیە لەبەرامبەر ئەو "زوڵمەی" دەکرێت.
ئەو دەشڵێت کە پلانیان نییە هێرش بکەنە سەر کوردستان و گوتی مەدەنییەکانیش دەپارێزن.
داعش بەوە تۆمەتبارن کە چەندین کەسیان کوشتووە تەنیا لەبەرئەوەی لەگەڵیان نەگونجاون و ئامادە نەبوون لە ژێر دەسەڵاتیان بن.
ئەبو عومەر لە موسڵەوە لە لێدوانێکی تایبەت لەگەڵ رووداودا وەڵامی چەند پرسیارێکی لەسەر گرووپەکەی دایەوە.
ئەو گوتی لە رێگەی شەریعەتەوە مامەڵە لەگەڵ دیلەکان دەکەین و ئەو شۆفیرانەشی کە گیراون گەر پەیوەندییان بە مالیکییەوە نەبێ ئازاد دەکرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ