رووداو - مەخموور ئەم دیمەنانەی دەیبینن لەلایەن ستافی رۆژنامەوانی تۆڕی میدیایی رووداو لە میحوەری گوێر - مەخموور وێنە گیراون، کە تێیدا تەرمی دوو چەکداری کوژراوی داعش پیشاندەدات لەدەستی گەریلاکانی پارتی کرێکارانی کوردستان (پەکەکە). سەنگەر عەبدولرەحمان پەیامنێری رووداو لە سنووری مەخموور رایگەیاند، كە هەر لەو ناوچەیە گەریلاكانی پارتی كرێكارانی كوردستان (پەكەكە) چوار چەكداری داعشیان دەستگیركردووەو تەرمی دوو چەكداری كوژراویشیان كەوتووەتە دەست.
