عەلی حوسێن: لە سنووری گوێر پێشمەرگە لە پێشڕەویدایە

عەلی حوسێن، بەرپرسی لقی دووی پارتی دیموكراتی كوردستان لە هەولێر بە تۆڕی میدیایی رووداوی راگەیاند، لە سنووری گوێر هێزەكانی پێشمەرگە لە پێشڕەویدان و، هێزێكی گەورەی پشتیوانیش گەیشتوونەتە مەخموور و چەكی پێشكەوتوویان پێیە.

عەلی حوسێن گوتی"من ئێستا لە ناو سەربازگەی مەخممورم، چەكدارانی داعش چەند هێرشێكیان كردوون بەڵام تێكشكێندراون و چەند هەمەرێكیان جیهێشتوون".

ئاماژەی بۆ ئەوەشكرد كە هێزێكی زۆر گەیشتووەتە نێو مەخموور و هێزێكی زۆریش لە دەوروبەری گوێرن. هەروەها خەڵكی شارەزای ناوچەكە هاوكاری هێزەكانی پێشمەرگە دەكەن. گوتیشی : "خەڵكی ناوچەكە دڵنیادەكەینەوە كە هیچ شتێك روونادات".