ئەحمەد تورک دوای ئازادکردنی بۆ رووداو دەدوێت

رووداو - مێردین 

ئەحمەد تورک، هاوسەرۆکی گەورە شارەوانی مێردین دوای ئازادکردنی بۆ رووداو دەدوێت و رایدەگەیێنێت، پرسی کورد لە باکووری کوردستان بەڕێگەی دیموکراسی و ئاشتییانە نەبێت، چارەسەر نابێت.

هاوسەرۆکی گەورە شارەوانی مێردین بە تۆڕی میدیایی رووداوی راگەیاند "من ئازادکرام، بەڵام هاوسەرۆک و پەرلەمانتار وسەرۆکی شارەوانییەکانمان هێشتا لە زیندانن. هیواخوازم ئەوانیش ئازادبکرێن و کێشەکان زوو چارەسەر بن".

ئەحمەد تورک رایگەیاند، زیاتر لە جاران بۆ ئاشتی، دیموکراسی و یەکسانی خەبات دەکەن و گوتی "ئاڵۆزی زۆر هەن و تاوەکو مافی مرۆڤ، ئازادی و دیموکراسیش نەبێت، ئاڵۆزییەکان نەک هەر تەنیا لەسەر شارەدار و پەرلەمانتار و کەسایەتییەکان بەڵکو کاریگەری نەرێنی لەسەر هەمووان دەبێت".

ئێوارەی رۆژی هەینی 3-2-2017 ئەحمەد تورک لە زیندانی خارپێت ئازادکرا. 

ئەحمەد تورک رۆژی 24-11-2016 به‌تۆمه‌تی "ئه‌ندامبوون و بانگه‌شه‌كردن بۆ په‌كه‌كه‌ و هاندانی خه‌ڵك بۆ رق و كینه‌ و سووكایه‌تیكردن به‌ به‌هاكانی ده‌وڵه‌تی توركیا"، له‌لایه‌ن هێزه‌ ئه‌منییه‌كانی توركیا ده‌ستگیركرابوو. 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger