هێرۆ و فریا دڵخۆش مەكەن

رووداو- هەولێر

هێرۆ و فریا، نوێترین گۆرانیی هاوبەشیان بەناوی (دڵخۆشم مەكە) لە شاری هەولێر كلیپ كرد.

فرمێسك محەممەد، دەرهێنەری ڤیدیۆكلیپەكە بە (رووداو)ی راگەیاند، دڵخۆشم مەكە ناوی نوێترین گۆرانیی رۆمانسی هەردوو هونەرمەند هێرۆ و فریایە كە خەڵكی رۆژهەڵاتی كوردستانن و بڕیارە ئەم بەرهەمەیان لە ماوەیەكی نزیكدا بڵاو بكرێتەوە. گوتیشی "گۆرانییەكە كلیپێكی ناوازەی بۆ كراوە كە من و رۆزبێ میربەگی كاری دەرهێنانمان بۆ كردووە".

گۆرانییەكە لە ئاواز و تێكستی هونەرمەند فریا خۆیەتی و بەشێوازێكی زۆر درامی و رۆمانسی كاری لەسەر كردووە. فرمێسك گوتی "لە ماوەیەكی زۆر نزیكدا ڤیدیۆكلیپەكە بڵاودەكرێتەوە".

ئەم ڤیدیۆ کلیپە لە بەرهەمهێنانی کۆمپانیای (Shot agency)ەو لە ماوەیەکی نزیکدا بڵاودەکرێتەوە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger