.....
رووداو - هەولێر
وەڵامی ئەو پرسیارە لەو ئینفۆگرافیکە دەدەینەوە و، سەرچاوەکانی داهات و خەرجییەکانی ئەو رێکخراوە لە مانگێکدا دەخەینەڕوو.
داهاتی داعش لە مانگێکدا
نەوت و گاز
داعش مانگانە لەڕێگەی فرۆشتنی نەوت و گاز لە ناوچەکانی ژێر دەسەڵاتی خۆی و فرۆشتنی بەشێوەیەكی قاچاخ، 2 ملیۆن و 300 هەزار دۆلاری دەستدەكەوێت، نەوت یەکێکە لە سەرچاوە سەرەكییەكانی دابینکردنی داهاتی داعش.
کارەبا
رێکخراوی داعش مانگانە لەڕێگەی وەرگرتنی پارەی کارەبا 330 هەزار دۆلار کۆدەکاتەوە.
باج و سەرانە
داعش لەڕێگەی وەرگرتنی باج و سەرانە لە ناوچەکانی ژێر دەسەڵاتی خۆی، مانگانە دەتوانێت نزیکەی 2 ملیۆن دۆلار کۆبکاتەوە، داهاتی باجیش هاوشێوەی داهاتی نەوت یەکێکە لە سەرچاوە سەرەکییەکانی داهاتی ئەو رێکخراوە.
سەرچاوەکانی دارایی و خانووبەرە
یەکێك لە سەرچاوە گرنگەکانی کۆکردنەوەی داهاتی ئەو رێکخراوە کەرتی خانووبەرە و وردە سەرچاوە داراییەكانی دیكەن لەو ناوچانەی دەستی بەسەردا گرتوون، داعش مانگانە 3.8 ملیۆن دۆلاری لە سەرچاوە داراییەکان و کەرتی خانووبەرە دەستدەکەوێت.
تەواوی داهاتی یەک مانگی داعش
تەواوی داهاتی داعش لە مانگێکدا 8 ملیۆن و 400 هەزار دۆلارە.
خەرجییەکانی داعش لە مانگێکدا
داعش سەرەڕای ئەو داهاتە زۆرەی لە مانگێکدا دەستی دەكەوێت، بەڵام خەرجییەکی گەورەشی لەئەستۆدایە و مانگانە ئەو رێکخراوە 5 ملیۆن و 600 هەزار دۆلار خەرج دەكات، زۆربەی خەرجییەكەشی لە هێرش و ئۆپەراسیۆنەكان و و پێدانی پارە بە چەکدارەکانییەوە دەڕوات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ