Artêşa Tirkiyê hêz şand sînorê Başûrê Kurdistanê

Navenda Nûçeyan – Tankên Artêşa Tirk ji Enqerê ber bi navçeya Silopî ya Şirnexê ve têne veguhestin.

Tankên Fermandariya Lîwa Piyade ya Mekanîze ya 28emîn ber bi Silopiyê ve ketin rê.

Li gor agahiyên ji çavkaniyên leşkerî hatine standin, ji paytexta Tirkiyê bi rêya bejayî hêza leşkerî bo navçeya Silopî ya Şirnexê hatiye şandin.

Tank û makineyên kar ên ji Fermangeha Lîwa Mekanîze ya 28emîn birêketin û ber bi navçeya Silopî ya li ser sînorê Bakur û Başûrê Kurdistanê ve diçin. (Çavkanî: DHA)