Duhok (Rûdaw)- Civîna partiyên siyasî yên Rojavayê Kurdistanê bi rêvebiriya Serokê Herêma Kurdistanê Mesud Barzanî dest pê kir.
Rêvebirên Encumena Niştimanî ya Kurd li Sûriyê (ENKS) û Encumena Gelê Kurd li Rojavayê Kurdistanê (EGRK) duhî hatin paytexta Herêma Kurdistanê Hewlêrê.
Tê gotin, di civîna encumenên Rojavayê Kurdistanê de dê rewşa Kobanî, avakirina hêzeke leşkerî ya hevbeş û nakokiyên navbera partiyên Rojavayê Kurdistanê bên gotûbêjkirin.
Hat zanîn civîn bi daxwaza Mesud Barzanî hat pêkanîn.
Ji şanda ENKSê 11 û ji ya TEV-DEMê jî 7 kes beşdarî civinê bûn.
11ê Tîrmeha 2012an 15 partiyên kurdên Rojavayê Kurdistanê û Yekîtiya Demokratîk (PYD) bi rêvebiriya Mesud Barzanî hatibûn ba hev û Mutebaqata Hewlerê imzê kiribûn. Piştî vê civînê Encumena Niştimanî ya Kurd hatibû damezirandin.
Lê belê peyman heta niha nehat pêkanîn.
.webp&w=3840&q=75)
