Hewlêr (Rûdaw) – Hat ragihandin, ku Wezîrê Derve ya Amerîkayê Rex Tillerson dê biçe Tirkiyê û dê li gel rayedarên payebilind hevdîtinan pêk bîne.
Li gor daxuyaniya Wezareta Derve ya Amerîkayê, roja 10ê vê mehê, Rex Tillerson bi mebesta gotûbêjkirina pêwendiyên herdû welatan, arîşeyên herêmê û geşedanên wê, diçe Tirkiyê.
Herwiha Wezareta Derve ya Amerîkayê amaje bi yekê kiriye, ku Tillerson dê li gel Serokê Amerîkayê Donald Trump biçe Almanyayê û di 9ê Tîrmehê de jî dê serdana welatê Ukraynayê bike û li wir jî li gel Serokê Ukraynayê Petro Poroşenkoyê hevdîtinek pêk bîne.
Di daxuyaniyê de hatiye eşkerekirin, ku piştî Ukraynayê , Tillerson dê serdana Stenbolê bike û li gel rayedarên Tirkiyê hevdîtinan pêk bîne.
Hat ragihandin ku di hevdîtinan de li ser mijarên YPGê, radestkirina Fethullah Gulen, geşedanên herî dawî yên li ser çareserkirina krîza di navbera Qeter û hin welatên erebî de, dê werin axaftin.
Rex Tillerson herî dawî di 30ê Adarê de serdana Enqerê kiribû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse