ژاپۆن چووە نێو ساڵی نوێ و بەو بۆنەیەوە ئاهەنگدەگێڕن. لە وڵاتەکە رۆژی یەکی کانوونی دووەمی هەموو ساڵێک، پشووی سەرتاسەرییە. خەڵکی وەکو ئامادەکاریی بۆ ئاهەنگی سەری ساڵ، ماڵ و پەرستگەکان پاکدەکەنەوە. 

رۆژمێری زایینی یان رۆژمێری گریگۆری لە زۆربەی وڵاتانی دنیا بەکاردێت؛ بە زایینی ناسراوە چونکە بە بڕوای کریستیانەکان لە سەروبەندی ئەم هەفتەیەدا پێغەمبەر عیسا لەدایکبووە.

پۆلیسی سلێمانی دەڵێت، پلانێکی تۆکمە لەنێو شاری سلێمانی و دەورووبەری بۆ شەوی سەری ساڵ داندراوە. داواش دەکات ئاهەنگگێڕانەکە بەشێوەیەکی شارستانییانە و دوور لە تووندوتیژی بەڕێوەبچێت.