مامۆستایەک لە فەرەنسا داوا لە قوتابییەک دەکات پەچەکەی لاببات و هەڕەشەی کوشتنی لێدەکرێت

 

 

ئیمانوێل گریگۆری، جێگری سەرۆکشارەوانیی پاریس دەڵێت، "قبووڵکراو نییە کەسێکی پیشەیی بکرێتە ئامانج و هەڕەشەی کوشتن یان هێرشی جەستەیی لێ بکرێت، تەنیا بەهۆی ئەوەی کاری خۆی کردووە."

 

بەڕێوەبەری قوتابخانەکە داوای لە قوتابییەک کردبوو پەچەکەی لابدات؛ بەو هۆیەوە هەڕەشەی لێکرا.

 

لە تشرینی یەکەمی رابردووەوە، مامۆستایەک لە فەرەنسا کوژراوە و یەکێکی دیکەش بریندار کراوە؛ لانیکەم 30 نامەی هەڕەشەئامێزیش بۆ قوتابخانەکانی ئەو وڵاتە نێردراون.

 

زیادبوونی هەڕەشەکان وایان کردووە، حکومەتی فەرەنسا پلانێک بۆ پاراستنی ئاسایشی قوتابخانەکان دابنێت.

 

نیکۆل بیلۆوبت، وەزیری پەروەردەی فەرەنسا دەڵێت، "هێزێکی نیشتمانیی تایبەت بە قوتابخانەکان پێکدەهێنین، کە لە کاتە پێویستەکاندا بڵاوەی پێبکرێت. ئەم هێزە وا لە بەڕێوەبەرایەتیی قوتابخانەکان دەکات رووبەڕووی کێشەکان ببێتەوە. بەڕاستی هەبوونی ئەو هێزە پێویستە."

 

لە 68 ملیۆن دانیشتووی فەرەنسا نزیکەی 10%یان موسڵمانن، ئەوەش لەک اتێکدایە ساڵی 2010 رێژەکە 7% بوو.