دەوڵەمەندترین پیاوی چیک بەهۆی تێکشکانی هێلیکۆپتەرێکەوە گیانی لەدەستدا

 

 

کیلنەر بازرگان بوو، تەمەنی 56 ساڵ بوو، سەروەتەکەی بە 52 ملیار دۆلار خەمڵێندراوە. هۆکاری ئەو رووداوەی تێیدا گیانی لەدەستداوە ناڕوونە. جگە لەوەی بە دەوڵەمەندترین پیاوی چیک ناودەبرێت، یەکێکە لە دەوڵەمەندترین پیاوەکانی کیشوەری ئەوروپاش.

 

ئەو چوار کەسەی دیکەش کە لە رووداوەکەدا گیانیان لەدەستداوە ناو و تەمەنیان بەمشێوەیە هاتووە: بنیامین لارۆشایکس، 50 ساڵ؛ گریگۆری هارمس، 52 ساڵ کە خەڵکی کۆلۆرادۆیە؛ هەروەها دوو هاووڵاتیی ئالاسکا بە ناوەکانی شۆن مکمانامی، 38 ساڵ و فڕۆکەوانەکە بە ناوی زەکاری رەسڵی 33 ساڵ.

 

ئاندریە بابیس، سەرۆکوەزیرانی چیک، کە خۆیشی ملیاردێرە، رووداوەکەی بە "تراژیدیایەکی باوەڕپێنەکراو" ناوبرد.

 

پیتەر کیلنەر، بازرگانێکی چیکییە، دامەزرێنەری گرووپی PPFـە و خاوەنی زۆربەی پشکەکانیەتی. لە 20ی ئایاری 1964 لەدایکبووە و ژن و منداڵێکی هەیە.