کامالا هاریس: لە سەردەمی ترەمپ خەڵک هەستی بە بچووکی دەکرد

 

 

هاریس گوتی: "ئامانجمان بردنەوەیە و لەم هەڵبژاردنەدا پێکەوەین".

 

هاریس لەوێش هێرشی کردە سەر ترەمپ و گوتی، "لە سەردەمی ترەمپدا خەڵک پەنجەیان دژی یەکدی درێژ دەکرد و هەستیان بە بچووکی دەکرد". 

 

رۆژی 5ـی تشرینی دووەمی ئەم ساڵ هەڵبژاردنی سەرۆکایەتیی ئەمریکا بەڕێوەدەچێت و رکابەرییەکی گەرم لە نێوان هاریس و دۆناڵد ترەمپدا هەیە. 

 

بەپێی نوێترین راپرسییەکان، ترەمپ 0.1 خاڵ لە پێش هاریسەوەیە، ئەگەر ئێستا هەڵبژاردن بکرێت 48.5٪ـی دەنگەکان دەهێنێت و هاریسیش 48.4٪.

 

کامالا هاریس بەدیاریکراوی گوتی: "نۆ رۆژ ماوە، ئاشکرایە ئامانجەکە بردنەوەیە؛ بەڵام ئامانجی من و هەموومان لەم پرۆسەیە بریتییە لە دروستکردنی کۆمەڵگە، دروستکردنی هاوپەیمانی، بیرخستنەوەی خەڵک کە ئێمە لەمە [لەم هەڵبژاردنە] پێکەوەین. پێم وابێت لەم چەند ساڵەی رابردوودا زۆر شت روویاندا، سەردەمی ترەمپ کە وای لە خەڵک دەکرد پەنجەی تاوان بۆ یەکدی درێژبکەن، دابەش بن و هەست بە بچووکی بکەن. ئێمە دەزانین پێوەرەکانی بەهێزیی سەرکردەکان بریتییە لەوەی تۆ پشتگیری کێ دەکەیت، بۆیە بەردەوام کار لەسەر ئەوە دەکەین. رێگەی سەرکەوتن بەنێو فیلادیلفیا، پێنسلڤانیادا تێدەپەڕێت".