هەڵەیەک روویدا! دووبارە هەوڵبدە
رووداو دیجیتاڵ
باڤێڵ دۆرۆڤ، دامەزرێنەر و سەرۆکى جێبەجێکارى کۆمپانیاى تەلەگرام بە کەفالەتى 5 ملیۆن یۆرۆ ئازاد کراوە بەو مەرجەى لە فەرەنسا بمێنێتەوە تاوەکو دەچێتە بەردەم دادگە لە بارەى ئەو تۆمەتانەى ئاراستەى کراوە.
نووسینگەى داواکارى گشتى لە پاریس رایگەیاند: باڤێڵ دۆرۆڤ بە کاتى ئازاد کراوە بەو مەرجەى لە فەرەنسا بمێنێتەوە و هەفتەى دوو رۆژ لە بنکەیەکى پۆلیس ئامادە بێت.
بڕیاری ئازادکردنی دامەزرێنەرى تەلەگرام دوای چوار رۆژ لە دەستگیرکردنی دێت کاتێک بە فڕۆکە تایبەتەکەى لە فڕۆکەخانەیەکى پاریس دابەزى.
تەلەگرام تۆڕێکی پەیوەندییکردنی کۆمەڵایەتییە، نزیکەی 950 ملیۆن بەکارهێنەری هەیە، بەکارهێنەران دەتوانن لەڕێگەی ئەپەکەوە نامە، وێنە، ڤیدیۆ، پەیوەندیی تەلەفۆنی بکەن.
پاڤێڵ دۆرۆڤ هاووڵاتییەکى بەڕەچەلەک رووسی و هەڵگری ناسنامەی فەرەنسییە، بە تەمەنی 39 ساڵە بە تۆمەتی رێگرینەکردن لە بڵاوبوونەوەی بابەتی هاندان بۆ تووندوتیژی لە تەلەگرام دەستگیرکرابوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ