ئۆتۆمبێلی فڕیو نرخی لە 500 هەزار دۆلارەوە دەستپێدەکات
رووداو دیجیتاڵ
ژان میشیل، میوزیکژەنی فەرەنسی تەمەن 75 ساڵ، بووە یەکەم هاووڵاتی ئۆتۆمبێلی فڕیو تاقیبکاتەوە؛ ئەوەی لە رابردوو بەلای خەڵکەوە خەیاڵ بوو، ئێستا راستییە و ئۆتۆمبێل بە ئاسمانەوەیە.
ئەیرکار، تاکە ئۆتۆمبێلی فڕیوی مۆڵەتپێدراوی دروستکراوی سلۆڤاکیایە کە فرۆشراوە بە کۆمپانیایەکی چینی.
ریچارد ئەبولافیا، بەڕێوەبەری ئیداریی لە ئایرۆ داینامیک دەڵێ "ئاسۆیەکی راستەقینە هەیە لە ئازادیی گواستنەوە کە جاران خەڵک لێی بە گومانبوو. لە دەستپێکی سەرهەڵدانی فڕینەوە خەڵک شکستی لێی هێناوە."
بۆ یەکەمجار ئەیرکار لە 2021ـدا تاقیکرایەوە، یەکەم گەشتی 35 خولەک بوو بە ئاسمانی براتیسلاڤای پایتەختی سلۆڤاکیا سووڕایەوە.
بەڵام کڕینی لەلایەن کۆمپانیا چینییەکە لەوانەیە بەو واتایە بێت، هاووڵاتییانی چینی، پێشەنگ دەبن لە تاقیکردنەوەی ئەزموونەکە.
ریچارد ئەبولافیا هەروەها دەڵێ "ئەگەر توانای هەمیشەییمان هەبووایە، لە هەر کوێیەک بتەوێ بتوانی بفڕی و بنیشییەوە بێ ئەوەی شوێنی فڕین و نیشتنن بۆ دیاری بکرێت، ئەمە شتێکی باش دەبوو، بەڵام بەداخەوە هێشتا ئێمە لەو جهیانەدا ناژین."
ئەیرکار، 520 گەشتی کردووە و 130 کاژێر فڕیوە. کۆمپانیاکە دەڵێت: لە 12 بۆ 14 مانگی دیکە، دەست بە فرۆشتنی دەکرێت و نرخی لە 500 هەزار دۆلارەوە دەستپێدەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ