ژمارەیەک کۆچبەر لەدوای ئەوەی لە نۆکەندی ئینگلیز پەڕیونەتەوە. وێنە: EPA
رووداو دیجیتاڵ
نەمسا دەیەوێ یەکێتیی ئەورووپا وەکو بەریتانیا بکات و کۆچبەرانی نایاسایی بنێرێتە شوێنێکی هاوشێوەی رواندا. وەک راوێژکاری ئەو وڵاتە دەڵێت، ژمارەیەکی زۆر وڵاتی ئەورووپیش هەمان شتیان دەوێت.
کارل نێمار، راوێژکار (یان سەرۆکوەزیران)ی نەمسا ئەم هەفتەیە لە ڤیەننا لەگەڵ ریشی سوو، سەرۆکوەزیرانی بەریتانیا کۆبووەوە.
پاش کۆبوونەوەکە نێمار نەیشاردەوە کە سەرسامە بەو 'رێچکە'یەی بەریتانیا پلانی بۆ داناوە بۆ مامەڵەکردن لەگەڵ کۆچبەرانی نایاسایی. ئەویش بە ناردنیان بۆ رواندا. بۆیە، وەک ئەو رایگەیاند، ئەمە دەرگا دەکاتەوە بۆئەوەی یەکێتیی ئەوروپاش هەمان شت بکات.
پێشتر نەمسا و 14 وڵاتی دیکەی ئەورووپا نامەیەکیان بۆ کۆمیسیۆنی ئەورووپا نووسیبوو و داوایان کردبوو بیر لە 'چارەسەری نوێ' بۆ کێشەی کۆچبەران بکرێتەوە. راوێژکاری نەمسا دەڵێت ئەو وڵاتانە پشتیوانی لە بیرۆکەی هاوشێوەی رواندا دەکەن. ئەو وڵاتانەی نێمار باسیاندەکات، هەریەکە لە دانیمارک و هۆڵەندا و فینلەند و ئیتاڵیا و پۆڵەندیشیان لەنێودایە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ