پیانۆژەنێکی ئیتاڵی بە میوزیک ئارامی بۆ ئاوارە ئۆکراینییەکان دەگەڕێنێتەوە
رووداو دیجیتاڵ
پیانۆژەنێکی ئیتاڵی چووەتە سەر سنووری پۆڵەندا-ئۆکراینا و میوزیک بۆ ئاوارە ئۆکراینییەکان دەژەنێت، بە گوتەی خۆی ئامانجی ئەوەیە کە پەیامی ئاشتی بە دنیا بگەیێنێت و ئارامییش بۆ ئاوارەکان بگەڕێنێتەوە.
دەیڤید مۆرتێللۆ، میوزیكژەنێکی ئیتاڵییە و دەڵێت، "تەنیا میوزیكە كە خۆشەویستییەكی بەبێ مەرجی تێدایە. لێرە كە میوزیك هەیە واتە هێشتا ژیان هەیە لێرە".
دیمیترۆ سۆلان، ئاوارەی ئۆكراینی دەڵێت، "لە رێگەیەكی پڕ مەترسی و سەختە و هاتووین. بۆ من كە كەمئەندامم كێشەكەم لەوانی دیكە زۆر گەورەتر كە بەپێی خۆیان دەتوانن بڕۆن. من لەگەڵ براكەم هاتووم و لەم کاتەدا لێمان روون نییە بۆ كوێ دەچین".
دەیڤید مۆرتێللۆ دەڵێت، "بەر لەوەی كە بێمە ئێرە پێشبینیم نەدەكرد ئەم خەڵكە ئاوا پێشوازی بكەن. زۆر سەرسام بووم بەوەی كە دەبینم ئۆكراینییەكان گوێ لە پیانۆكەی من دەگرن و دێن دەیژەنن".
لەیڵا پیانۆژەنێکی ئۆکراینییەوە لە كیێەڤەوە لەگەڵ دایك و باوكی تازە گەیشتوونەتە سەر سنوور. هاتە جێی دەیڤد و بۆ چەند ساتێك لە دنیای ئاوارەیی دوور كەوتەوە
لەیڵا ئێفیمۆڤا دەڵێت، "ئەم شەڕە هەموو شتێكی ناشرین كردووە و ژیانی ئەستەم كردووە و ئەوەی تێدەپەڕێت كارەساتێكی گەورەیە. دەمەوێ بڵێم كە ئێمە داوای ئاشتی بۆ هەموو جیهان دەكەین، نەك تەنیا بۆ ئۆكراینا. لە هەموو جیهان ئێمە پێویستمان بە ئاشتییە".