سەرۆکوەزیرانی سلۆڤاکیا خۆی بۆ کار ئامادە دەکات
رووداو دیجیتاڵ
لە ڤیدیۆکەدا سەرۆکوەزیرانی سلۆڤاکیا لە هۆتێلێکی شاری برۆکسل دەبینن، ئەو بەبێ هیچ خزمەتکارێک، خۆی بۆ کۆبوونەوەکانی یەکێتیی ئەورووپا ئامادە دەکات.
سەرۆکوەزیرانی سلۆڤاکیا ناوی رۆبێرت فیکۆیە. دەڵێت، "پڕۆگرامێکی تایبەتم بۆ خۆم ئامادەکردووە کە نزیکەی کاژێرێک دەخایێنێت. چەند جارێک بۆ خولەک و نیوێک راهێنان دەکەم. پاشان بۆ 30 چرکە شناو دەکەم. دواتریش خۆم بۆ کار ئامادە دەکەم."
رۆبێرت بەدەم وەرزشەوە، خۆی بۆ کارەکەی ئامادە دەکات. جلەکانی ئوتوو دەکات، پێڵاوەکانی بۆیاخ دەکات، ریشی دەتاشێت و جلەکانیشی ئامادە دەکات.
رۆبێرت لە ساڵی 2023وە پۆستەکەی وەرگرتووە بۆ چوار ساڵ، پێشتریش لە ساڵانی 2006 بۆ 2010 و 2012 بۆ 2018 هەمان پۆستی هەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ