رووداو دیجیتاڵ
سەرچاوەیەکی میدیایی ئیسرائیل ئاشکرایکردووە، سەرۆکی ئەمریکا نزیکەی 3 هەفتەیە وەڵامی پەیوەندییە تەلەفۆنییەکانی سەرۆکوەزیرانی ئیسرائیلی نەداوەتەوە.
کەناڵی 13ی ئیسرائیل کە بە " نزیک" لە نووسینگەی سەرۆکوەزیرانی وڵات ناسراوە ئاشکرایکردووە، بایدن هیچ ئامادەیی تێیدا نییە لەبارەی ئێران لەگەڵ نافتالی بینێت، سەرۆکوەزیرانی ئیسرائیل قسە بکات.
کەناڵەکە هەروەها ئاشکرایکردووە، نووسینگەی سەرۆکوەزیرانی ئیسرائیل لەهەوڵدایە بۆ رێکخستنی پەیوەندیی تەلەفۆنی لەگەڵ سەرۆکی ئەمریکا، بەڵام تاوەکو ئێستا کۆشکی سپی ئامادە نەبووە وەڵامی داواکەی ئیسرائیل بداتەوە.
لەماوەی رابردوودا ناکۆکی و جیاوازی بیروبۆچوونەکان لەنێوان واشنتن و تەلئەڤیڤ لەبارەی گفتوگۆ ئەتۆمییەکانی ئێران قووڵتربوون، لەکاتێكدا واشنتن پشتگیریی گەڕانەوە بۆ رێککەوتنە ئەتۆمییەکەی ساڵی 2015 دەکات، ئیسرائیل دەیەوێت کۆدەنگیی نێودەوڵەتیی کۆبکاتەوە بۆ ناچارکردنی ئێران تاوەکو واز لە بەرنامە ئەتۆمییەکەی بهێنێت.
رۆژی سێشەممە، 21-12-2021، جەیک سۆلیڤان، راوێژکاری ئاسایشی نیشتمانی ئەمریکا سەردانی تەلئەڤیڤی کرد و بڕیارە ئەمڕۆ چوارشەممە لەگەڵ سەرۆک و سەرۆکوەزیرانی ئیسرائیل کۆببێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ