لە کرواتیا تەقە لە خانەیەکی بەساڵاچووان کرا و پێنج کەس کوژران

 

رۆژی دووشەممە 22ـی تەممووزی 2024، تەلەڤزیۆنی فەرمیی کرواتیا HRT رایگەیاند، کەسێکی نەناسراو چووەتە نێو خانەیەکی بەساڵاچوقان لە شارۆچکەی داروڤاری سەر بە شاری سلاڤۆنیا و دەستڕێژی گوللـەی کردووە. دەستبەجێ پێنج کەس گیانیان لەدەستداوە و چوار کەسی دیکەش بریندار بوون. 

 

بەگوتەی پۆلیسی کرواتیا، رووداوەکە کاژێر 10:10 خولەکی بەیانی بەکاتی نێوخۆیی کرواتیا [کاژێر 09:09 خولەکی بەیانی بەکاتی هەولێر] روویداوە.

 

پۆلیس دەڵێت، "تەقەکەرەکە دەستگیرکراوە و کەسێکی دیکەش کە ئامادەکاری بۆ هێرشەکە کردووە، دەستگیر کراوە."

 

هەرچەندە تاوەکو ئێستا پۆلیس بە فەرمیی ناسنامەی تەقەکەرەکەی ئاشكرا نەکردووە، بەڵام میدیای کرواتیا ئاماژە بەوە دەکات، تەقەکەرەکە ئەفسەرێکی خانەنشینکراوی سوپا بووە. 

 

کرواتیا یەکێکە لە وڵاتانی بەڵکان، ژمارەی دانیشتووانی سێ ملیۆن و 800 هەزار کەسە و بەیەکێک لەو وڵاتانە دادەندرێت کە بەدەگمەن رووداوی تەقەکردن تێیدا روودەدات.