ڤیدیۆی رووداوەکە
رووداو - ئاژانسەکان
گرتنی وێنەیەکی سێڵفی پەرلەمانتارێکی ئیسرائیل لەگەڵ سەرۆکی ئەمریکا بووەتە بابەتێکی گەرمی میدیاکان.
دۆناڵد ترەمپ لەگەڵ گەیشتنی بە فڕۆکەخانەی نێودەوڵەتی بێن گوریون لە شاری تەلئەڤیڤ، لە لایەن سەرۆکی ئیسرائیل و سەرۆکوەزیران و ژمارەیەکی دیکە پەرلەمانتار و کەسایەتی سیاسییەوە پێشوازی لێکرا.
ئۆرین هازان، یەکێک لە پەرلەمانتارە ئیسرائلییەکان بوو، کە پاش تەوقەکردن لەگەڵ سەرۆکی ئەمریکا رایگەیاند "سەرۆک، دەمەوێت وێنەیەکی سێڵفیت لەگەڵ بگرم" و ترەمپیش بە سەرسامی وەڵامی دایەوە و گوتی "چی؟"
سەرۆکوەزیرانی ئیسرائیل ویستی رێگا لە پەرلەمانتارەکە بگرێت بۆ ئەوەی سێڵفیەکە نەگرێت، بەڵام هازان مۆبایلەکەی دەرهێنا و لەگەڵ سەرۆکی ئەمریکا سێڵفیەکی گرت.
هازان ماوەی دوو ساڵە پەرلەمانتارە و لە ماوەی ئەم دوو ساڵەشدا بە کارە سەیرەکانی خەڵکێکی زۆری توڕە کردووە و خەڵکێکی دیکەشی سەرسام کردووە.
هازان بەوە تۆمەتبارە کە سەرپەرشتی کاری ژنانی لەشفرۆشی کردووە و دەرمانی هۆشبەری بۆ گەشتیاران دابینکردووە.
داڕشتنەوە: حەکیم داود
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ