مردن بەهۆی کۆرۆنا لە ئیسپانیا هەزار کەسی تێپەڕاند
ژمارەی ئەوانەی لە ئیسپانیا بە کۆرۆنا گیانیان لەدەستداوە گەیشتە هەزار و دوو کەس و 235 کەسیش لە 24 کاژێری رابردوو گیانیان لەدەستداوە.
وەزارەتی تەندروستیی ئیسپانیا رایگەیاند، ژمارەی تووشبووانی کۆرۆنا لە 20 هەزار کەس نزیکدەبنەوە، بەوەش ئیسپانیا دەبێتە چوارەم وڵات کە زۆرترین تووشبووی کۆرۆنای تێدابێت.
بەپێی ئامارەکان لە حەوت رۆژی رابردوو ژمارەی ئەوانەی بەهۆی کۆرۆناوە مردوون لەو وڵاتە 10 هێندە زیادیکردووە.
ئیسپانیا بۆ رووبەڕووبوونەوەی کۆرۆنا قەدەخەی هاتووچۆی راگەیاندووە.