کۆمپانیایەک: بەهۆی کێشەی تەکنیکییەوە 1390 گەشتی ئاسمانیمان هەڵوەشاندنەوە

 

 

لە راگەیێندراوێکدا کۆمپانیای سیریوم دەڵێت، لەو گەشتانەی هەڵوەشێندراونەتەوە 512یان لە ئەمریکا، 92یان لە ئەڵمانیا، 56یان لە هیندستان، 45یان لە ئیتاڵیا و 21یشیان لە کەنەدا بوون.

 

ئەو کۆمپانیا یەکێکە لە گرووپی کۆمپانیاکانی ریلێکسی بەریتانی، تایبەتە بە لێکدانەوە و شیکاریی داتا و زانیارییەکان لەسەر بنەمای زانستی. ساڵی 1904 کۆمپانیای سیریوم دامەزرا کە بارەگای سەرەکیی لە لەندەنە.

 

بەرەبەیانی ئەمڕۆ بەشێک لە کۆمپانیاکانی گواستنەوە، مامەڵە داراییەکان و میدیای وڵاتان وەستانی کارەکانیان و دروستبوونی کێشەیان لە سیستمەکانیان راگەیاند. دواتر، کۆمپانیای کراودسترایک بڵاویکردەوە، کێشەکە بەهۆی هەبوونی هەڵەیەک بووە لە نوێکردنەوەی سیستمێکیان؛ توانیویانە کێشەکە بدۆزنەوە و سەرقاڵی چارەسەرکردنین.

 

کۆمپانیای کراودسترایک کۆمپانیایەکی دابینکردنی خزمەتگوزاریی پاراستنی کۆمپانیا و دامەزراوەکانە لە هێرشی ئەلیکترۆنی.