رووداو دیجیتاڵ
پۆلیسی فەرەنسا ئەو کەسەی دەستگیرکرد کە هەڕەشەی خۆتەقاندنەوەی لەبەردەم کۆنسوڵخانەی ئێران لە پاریس دەکرد.
رۆژی هەینی، 19ی نیسانی 2024، پۆلیسی فەرەنسا بڵاویکردەوە، ئەو کەسەی کە بە پشتێنی بۆمبڕێژکراوەوە هەڕەشەی خۆتەقاندنەوەی لەبەردەم کۆنسوڵخانەی ئێران لە پاریس دەکرد، دەستگیرکرا، ئەوەش دوای ئەوەی چووە نێو حەوشەی کۆنسوڵخانەکەوە.
پێش ئەوەی ئەو هاووڵاتییە دەستگیربکرێت، پۆلیسی فەرەنسا هەندێک رێکاری لەو ناوچەیە گرتەبەر، لەوانەش رێگەگرتن لە هاتووچۆی خەڵک لە بەردەم کۆنسووڵخانەکە.
کۆمپانیای راتپ کە کۆمپانیایەکی گواستنەوەی گشتییە لە شاری پاریس لە تۆڕی کۆمەڵایەتیی ئێکس بڵاویکردەوە، هاتووچۆ بە میترۆی نزیک لە باڵیۆزخانەکەدا راگیراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ