بەشێك لەو چەکانەی کە دەستیان بەسەردا گیراوە. وێنە: رەپتلی
رووداو دیجیتاڵ
هێزە ئەمنییەکانی ئێکوادۆر لە هەڵمەتێکی فراوانی پشکنین و گەڕان لە گرتووخانەکانی ئەو وڵاتە، دەستیان بەسەر نزیکەی چوار هەزار پارچە چەکی نایاساییدا گرت و هەموویان لەنێوبرد.
چەتە و بازرگانی ماددەی هۆشبەر لە گرتووخانەکان چەندین جۆری چەکیان بە قاچاخ بردووەتە ژوورەوە، کاتێک لەلایەن زیندانی یاخود گرووپێکی دیکە دەکەونە ژێر هەڕەشە، بەکاریدەهێنن.
چەکەکان پێکهاتبوون لە ئێم 4، ئێم 16، ویزە، دەمانچە، نارنجۆک، چەکی دەستکرد و چەندین جۆری دیکە، سەرجەمیان خرانە ژێر ئامێری قورسی هاڕینی ئاسن و لەنێوبران.
لە 13ی نۆڤەمبەری ئەمساڵ لە شاری گوایاکویل لە ئێکوادۆر شەڕ لەنێوان زیندانیانی گرتووخانەیەک روویدا، 68 زیندانی گیانیان لەدەستدا، ئەمساڵ 300 زیندانی لە گرتووخانەکانی ئێکوادۆر لە ئەنجامی رووبەڕووبوونەوە گیانیان لەدەستداوە. بەگوێرەی داتا فەرمییەکانی ئەو وڵاتە، چەک لە 59.6٪ی شەڕ و پێکدادانەکانی ئەو وڵاتە بەکارهاتوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ