رووداو دیجیتاڵ
ئەم ساڵ لەچاو ساڵانی پێشوو کەمتر کۆچبەری نایاسایی سنوورەکانی یەکێتیی ئەورووپایان بڕیوە. پۆلیسی ئەورووپی بڵاویکردووەتەوە کە لە 7 مانگی ئەم ساڵدا رێژەی ئەوانەی سنووریان بڕیوە بەراورد بە ساڵی رابردوو 40% کەمیکردووە.
لەسەر ئاستی یەکێتیی ئەورووپاش داتای نوێ لەسەر کۆچبەران بڵاوکرانەوە؛ پۆلیسی پاراستنی سنوورەکانی یەکێتیی ئەورووپا (فرۆنتێکس)، کە بارەگا سەرەکییەکەی لە پۆڵەندایە، رایگەیاندووە لە 7 مانگی یەکەمی ئەم ساڵدا 113 هەزار و 400 کۆچبەر لەلایەن ئەو ئاژانسەوە لەسەر سنوورەکان گیراون و زانیارییەکانیان تۆمار کراوە، ئەمەش دەکاتە 40% کەمتر بەراورد بە ساڵی رابردوو.
کۆچبەران زۆرتر لە سێ رێگەی سەرەکییەوە بە شێوەی نایاسایی خۆیان دەگەیێننە نێو یەکێتیی ئەورووپا؛ رێگەیەکیان ئەوەی وڵاتانی باڵکانە، رێگەیەکیان یۆنان و ئیتاڵیایە، رێگەی سێیەمیش لە رێگەی ئەفریقایە.
وەکو فرۆنتێکس باسی دەکات، رێگەی ئەفریقا وەکو خۆی ماوەتەوە، بەڵام لە دوو رێگەکەی دیکە رێژەکە زۆر کەم بووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ