بەڕێوەبەری تەندروستیی سلێمانی رایگەیاند، ئەمڕۆ دووشەممە پێنج تووشبووی دیکەی ڤایرۆسی کۆرۆنا لە سلێمانی چاکبوونەوە و گەڕاونەتەوە ماڵەوە.
د. سەباح هەورامی، بەڕێوەبەری تەندروستیی سلێمانی بە رووداوی راگەیاند، دۆخی تەندروستی تووشبووانی دیکەش بەرەو باشییە و ئامانجمان ئەوەیە لە نزیکترین کاتدا هەموو تووشبووان چاکببنەوە و بیاننێرینەوە.
بەڕێوەبەری تەندروستیی سلێمانی رێنمایی بۆ چاکبووانی کۆرۆنا هەیە و دەڵێت، رێنمایی تایبەتمان داوەتە ئەوانەی چاکبوونەتەوە لە کۆرۆنا، نابێت بۆ ماوەی 14 رۆژ کەس سەردانیان بکات.
لە هەرێمی کوردستان 34 کەس تووشی کۆرۆنا بوون، نۆ کەسیان چاکبوونەتەوە و کەسێکیش گیانی لەدەستداوە.
بۆ رێگریکردن لە زیاتر بڵاوبوونەوەی ڤایرۆسەکە، لە زۆربەی شار و شارۆچکەکانی هەرێمی کوردستان قەدەخەی هاتووچۆ راگەیێندراوە، حکومەت و وەزارەتی تەندروستیی داوا لە هاونیشتمانییان دەکەن پابەندی رێنماییە تەندروستییەکان بن تاوەکو لە تووشبوون بە ڤایرۆسەکە پارێزراو بن. لە کاتی پێویستیشدا پەیوەندی بە هێڵی گەرمی ژمارە 122 بکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ