وەزیری بەرگریی ئەڵمانیا دەستی لەکار کێشایەوە

 

 

لە راگەیێندراوێکی وەزارەتی بەرگریی ئەڵمانیادا هاتووە، کرستینە لامبرێشت، وەزیری بەرگریی ئەڵمانیا "داوای لە ئۆلاف شۆڵز، راوێژکار[ی ئەڵمانیا] کردووە رێگەی بدات بۆ دەستبەرداربوونی لە پۆستەکەی."

 

یەکێک لەو رەخنانەی لە کابینەی ئۆلاف شۆڵز دەگیرا، وەرگرتنی پۆستی وەزارەتی بەرگری بووە لەلایەن خانمێک کە هیچ ئەزموونی لەنێو سیاسەتی بەرگری و سوپادا نەبووە.

 

بەهۆی بێ ئەزموونییەکەشیەوە، کرستینە لامبرێشت کۆمەڵێک هەڵەی کرد، تاوەکو لەژێر گوشاری رای گشتیدا ناچار بوو دەست لە پۆستەکەی هەڵگرێت.