هەڵەیەک روویدا! دووبارە هەوڵبدە
جۆ بایدن، سەرۆکی ئەمریکا
رووداو دیجیتاڵ
سەرۆکی دوو زلهێزترین وڵات بەشداریی کۆبوونەوەی جی بیستی ئەمساڵیان کردووە، ئەوان هۆشداری و هێڵە سوورەکانی خۆیان بە یەکدی دەگەیێنن. کاربەدەستانی هەردوولا لەسەر راگەیێندراوێکی هاوبەش رێکنەکەوتوون.
جۆ بايدن، سەرۆکی ئەمریکا لە کۆنگرەیەکی رۆژنامەڤانیدا و شی جین پینگ، سەرۆکی چینیش لە رێگەی میدیاکانی وڵاتەکەیانەوە، نێوەڕۆکی کۆبوونەوەکە باس دەکەن.
بايدن رایگەیاند، "بەتووندی رکابەرییان دەکەین، بەڵام من نامەوێت ململانێ دروست بێت. دەمەوێت ئەم رکابەرییە بەشێوەیەکی بەرپرسانە بەڕێوەبچێت و من دەمەوێت هەموو وڵاتێک پابەندی یاسا و رێسا نێودەوڵەتییەکان بێت و باسی ئەوەشمان کرد."
سەرەڕای ناکۆکییەکانی نێوانیان چین و ئەمریکا دەڵێن، نایانەوێت بارگرژییەکان زیاتربن.
ساموێل وێربێرگ، گوتەبێژی هەرێمیی وەزارەتی دەرەوەی ئەمریکا رایگەیاند، "هەردوو سەرۆک باسی هەموو دۆسییە گرنگەکانیان کرد لە پەیوەندییە دووقۆڵییەکاندا، لەوانە رکابەرایەتی نێوانمان و چۆن لە هەندێک بواردا هاوئاهەنگ بین لەوانە گۆڕانی کەشوهەوا و ئاسایشی خۆراک و سووککردنەوەی قورسایی قەرزەکان، هەموو ئەو بوارانە گرنگن تەنیا بۆ ویلایەتە یەکگرتووەکان و چین نا بەتەنیا، بەڵکو بۆ هەموو وڵاتانی دیکە."
ویلایەتە یەکگرتووەکانی ئەمریکا و چین لەسەر چەندین پرس ناکۆکن، لە نێویشیاندا پرسی تایوان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ