گەورەترین کەروێشکی جیهان دەدزرێت

 

 

بە گوتەی پۆلیسی وێست مێرسیا، کەروێشکەکە دریژیی 129 سانتیمەترە و ناوی داریۆسە، رۆژی شەممەی رابردوو لە باخچەی ماڵی خاوەنەکەیدا لە شاری ستۆلتۆن دزراوە.

 

کەرویشکەکە ساڵی 2010 نازناوی گەورەترین کەروێشکی جیهانی لە جۆری خۆی بەدەستهێناوە. ئەنێتێ ئێدواردس، خاوەنی کەروێشکەکە، بڕی 1000 یۆرۆی وەکو خەڵات دیاریکردووە بۆ هەر کەسێك بتوانێت کەروێشکەکەی بۆ بگەڕێنێتەوە و دەڵێت، رۆژی دزینی کەروێشکەکە رۆژێکی زۆر ناخۆش بووە بۆی.

 

ئێدواردس لە ئەکاونتی خۆی لە تویتەر وێنەی کەروێشکەکەی داناوە و لەسەری نووسیوە "تکایە بیگەڕێننەوە، ئەو زۆر گەورەیە و ناتوانێت وەچە بخاتەوە".

 

گوتەبێژی پۆلیسی وێست مێرسیا لەوبارەیەوە دەڵێت "هەموو هەوڵێکمان دەدەین بۆ دەستکەوتنی زانیاری لەسەر دزینی کەروێشکەکە و گێڕانەوەی بۆ خاوەنەکەی"، پۆلیس ژمارە و ناونیشانێکی داناوە و داوا دەکات، هەر کەس کەروێشکەکەی بینیوە پەیوەندی بەو ناونیشانانەوە بکات.