کلیف کافێ لە چین
رووداو دیجیتاڵ
کلیف کافێ، قاوەخانەیێکە لە لێواری شاخێکی رۆژهەڵاتی چین دروستکراوە، بەرزییەکەی 70 مەترە و ژێرەکەشی کەناراوی دەریای رۆژهەڵاتی چینە.
دامەزرێنەری قاوەخانەکە دەڵێ "کاتێک هاتینە ئێرە و شاخ و دەریاکەمان بینی، بیرۆکەکە هاتە مێشکم. هەوڵدانمان بووە هۆی گۆڕینی بیرۆکە و هیواکەمان بەم پرۆژە جوانە."
گەیشتن بە قاوەخانەکە و خواردنەوەی قاوەیێک لێی، پێویستیی بە ئازایەتییە.
هەر گەشتیارێک کە دەچێت، دەتوانێت بە 55 دۆلار 90 خولەک بمێنێتەوە و قاوەیەک بخواتەوە.
گەشتیارێک کە دوای چوونی بۆ کلیف کافێ، دەڵێ "چێژبەخش و سەرسامکەر بوو. چووینە سەر رۆخەکە و شتێک بوو هەرگیز ئەزموونمان نەکردبوو. شتێکی نوێ بوو بۆ ئێمە."
گەشتیارێکی دیکە باسی ئەوە دەکات؛ "ژیان هەمووی بریتییە لە ئازایەتی بۆ تاقیکردنەوەی شتە نوێیەکان. کاتێک هەنگاوی یەکەم دەنێیت، شتی نوێ و چاوەڕواننەکراو ئەزموون دەکەیت."
قاوەخانەکە بەشێکە لە قاوەخانەیێکی دیکەی ناوچەکە، کە بە پاڵپشتیی حکومەتی چین دروستکراون بە ئامانجی راکێشانی گەشتیاری زیاتر بۆ گوندەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ