فەیسبووک: ئاگاداربن ئەم 400 ئەپلیکەیشنە پاسوۆردەکانتان دەدزن

 

فەیسبووک دەڵێت، ئەو زانیارییانەیان لەگەڵ لایەنی پەیوەندیدار وەکو: توێژەرانی بواری ئاسایش و بڕیاربەدەستان و کۆمپانیاکان هاوبەشی پێکردووە. داواش لە بەکارهێنەران دەکات لەکاتی دابەزاندنی ئەو ئەپلیکەیشنانە "زیاتر ئاگاداربن."

 

ئەو ئەپلیکەیشنانە لە هەردوو بازاڕی ئەپلیکەیشنەکان لە سیستمی ئای ئۆ ئێس و ئەندرۆید بەردەستن، فەیسبووک دەڵێت: لە شێوەی بەرنامەی دەستکاریکردنی وێنە، ڤی پی ئێن و ئەپلیکەیشنی بازرگانی خۆیان نمایش دەکەن و فێڵ لە خەڵک دەکەن تاوەکو دایانبەزێنن لە مۆبایل و ئامێرەکانیان. 

 

بەشێک لەو ئەپلیکەیشنانە لەم شێوەیەدا لە سیستمەکانی ئەندرۆید و ئای ئۆ ئێس بەردەستن: 

 

- بەرنامەی دەستکاریکردنی وێنە، بەتایبەتی ئەوانەی کە بانگەشەی ئەوە دەکەن "دەتوانیت خۆت بکەیتە کارتوون."

 

- ئەو ڤی پی ئێن ـانەی بانگەشەی ئەوە دەکەن خێرایی لە وێبگەڕەکاندا زیاد دەکەن یان دەتوانی لە رێگەیانەوە وێبسایت و بەرهەمە بلۆککراوەکان ببینیت. 

 

- بەرنامەی جوانکاریی مۆبایل وەکو لایت کە بانگەشەی ئەوە دەکەن هێزی لایتی مۆبایلەکەت زیاد دەکەن. 

 

- ئەو یارییانەی مۆبایل کە بەڵێنی ئەوە دەدەن بەرهەمەکان بەشێوەی 3Dـین. 

 

 

- هەر ئەپلیکەیشنێک لەکاتی بەکارهێنان داوای پاسوۆردی فەیسبووکەکەتی کرد بۆ ئەوەی بتوانی بەکاریبهێنت، لێی دووربکەوەرەوە. 

 

- دڵنیابەرەوە ئەو ئەپلیکەیشنەی بەکاری دەهێنیت ناوبانگێکی باشی هەیە، سەیری ژمارەی ئەو جارانە بکە کە دابەزێندراوە یان بزانە هەڵسەنگاندنی لەلایەن بەکارهێنەرانەوە چۆنە.

 

چی بکەیت ئەگەر تائێستا ئەو ئەپلیکەیشنانەت دابەزاندووە؟

 

- پاسوۆردی فەیسبووکەکەت بگۆڕە و پاسوۆردێکی بەهێز دابنێ. هەرگیز ئەو پاسوۆردە لەسەر چەند وێبسایتێک بەکارمەهێنە. 

 

- پشتڕاستکردنەوەی دوو رێگەیی بۆ فەیسبووکەکەت چالاک بکە کە هاوکاریت دەکات هەژمارەکەت زیاتر پارێزراو بێت. بۆ ئەم مەبەستەش ئەپلیکەیشنی پشتڕاستکردنەوەکان بەکاربهێنە. 

 

- تایبەتمەندیی ئاگادارکردنەوە بۆ فەیسبووکەکەت چالاک بکە، بەوشێوەیە هەرکاتێک کەسێک بیەوێت هەژمارەکەت بەکاربهێنێت، ئاگاداردەکرێیتەوە. 

 

 

- Beauty Camera

- Pics Art

-Cartoon Creator 

- Mp3 Downloader

- Bamboo VPN

- Fast VPN Proxy

- Free VPN Master

- Business from Instagram

- 4K Camera Hyper Photo Filters

- Hot Sexy Girls

- ToonArt

- Ads Manager for Meta

- Smart SMS Messages

- Drift Speed Racing Game

- Torch VPN Proxy

- Touch VPN Master

- Female Fitness

- Tea Bag Camera