فەرحان حەق: بەرپرسیارێتی ئێمە لە عێراق گۆڕاوە و لایەنی سیاسی سەرژمێری کاری حکومەتی عێراقە

 

 

فەرحان حەق کە رۆژی 9ی ئۆکتۆبەری 2024 لە بارەگای نەتەوە یەکگرتووەکان لە نیویۆرک وەڵامی پرسیارەکانی رووداوی دایەوە، رایگەیاند، ئەوەی نەتەوە یەکگرتووەکان دەیەوێت بیکات لەو سەرژمێرییەدا "بریتییە لە پێشکەشکردنی رێوشوێنی هاوچەرخ کە یارمەتی دەدات ئەنجامی سەرژمێرییەکە بە باشترین شێوە بڵاوبکرێتەوە و ئەنجامەکە بۆ مەبەستی داتای گەشەپێدان بەکاربهێنرێت".

 

ئێستا کورد لە کەرکووک داوا دەکەن کە ئەو 600 هەزار عەرەبەی لە ئەنجامی شەڕی داعش دا هاتوونەتە کەرکووک لەسەر ئەو پارێزگایە تۆمارنەکرێن چونکە دۆخێکی تایبەتی هەیە بەهۆی جێبەجێنەکردنی مادەی 140، بەڵام فەرحان حەق، جێگری گوتەبێژی سکرتێری گشتیی نەتەوە یەکگرتووەکان لەوبارەوە دەڵێت، "ئەمە سەرئەنجام بەرپرسیارێتیی حکومەتی عێراق خۆیەتی و ئەرکی نەتەوە یەکگرتووەکان نییە، چونکە بەرپرسیارێتی UNAMI گۆڕدراوە".

 

 

 

 

فەرحان حەق: سوپاس. 

 

 

فەرحان حەق: ئەوەی نەتەوە یەکگرتووەکان دەیەوێت بیکات، لەنێویشیاندا لەڕێگەی ئەوەی کە بە UNFPA ناسراوە، بریتییە لە پێشکەشکردنی رێوشوێنی هاوچەرخ کە یارمەتیی دەدات ئەنجامی سەرژمێرییەکە بەباشترین شێوە بڵاوبکرێتەوە و ئەنجامەکە بۆ مەبەستی داتای گەشەپێدان بەکاربهێنرێت. ئێستا ئێمە هەوڵدەدەین دڵنیاببینەوە لەوەی لەڕووی تەکنیکییەوە نوێترین شێوازی جێبەجێکردنی سەرژمێری بەکاربهێندرێت.  

 

 

فەرحان حەق: لە بنەڕەتدا رۆڵی ئێمە رۆڵێکی تەکنیکییە. ئەوەی UNFPA دەیکات ئەوەیە میتۆدەکان بداتە حکومەتی عێراق. لە کۆتاییشدا ئەوە بەرپرسیارێتیی حکومەتی عێراقە کە ئەو داتایە بەکاربهێنێت بۆ ئەوەی سەرژمێرییەکی روون بکات. ئێمەش هانی ئەوە دەدەین، بەڵام ئەوەی ئێمە دەیکەین ئەوەیە توانای تەکنیکی بدەینە حکومەتی عێراق بۆ ئەوەی پرۆسەکە ئەنجامبدات.   

 

 

فەرحان حەق: ئەمە شتێکە کە لەکۆتاییدا بەرپرسیارێتیی حکومەتی عێراقە. وەکو دەزانیت، نەتەوە یەکگرتووەکان لە عێراق لە کۆتاییەکانی 2025ـدا کۆتایی بە ئەرکی هاوکاری و کارەکەی دەهێنێت و ئێستاش بەرپرسیارێتییەکەی کەمکراوەتەوە. بۆیە هەندێک لەو شتانەی باسیان دەکەیت ئیدی بەرپرسیارێتیی نەتەوە یەکگرتووەکان نین. بۆ نموونە، سەرژمێری بەرپرسیارێتی UNAMI نییە، هەر بۆیە وەکو ئاماژەم پێدا، ئەوەی دەیکەین پشتیوانیی تەکنیکییە لەلایەن UN و UNFPAیەوە. پاشان ئەو شارەزایی و داتا تەکنیکییانە دەدرێنە حکومەتی عێراق. ئیدی ئەوە لەسەر حکومەتی عێراق دەبێت کە ئەوانە بەکاربهێنێت بۆ ئەوەی سەرژمێرییەکی روون و بێلایەنانە بکات. 

 

 

فەرحان حەق: ئێمە لە سەرژمێرییەکی لەوشێوەیەدا رۆڵی سیاسیمان نییە. وەکو گوتم، ئێستا رۆڵی ئێمە لە سەرژمێریدا تەنیا رۆڵێکی تەکنیکییە. ئێمە زانیاری لەسەر شێوازی ئەنجامدان و ژمارەیەکی دیار لە کەسانی شارەزا دابین دەکەین بۆ ئەوەی بتوانرێت بە متمانەپێکراوترین و روونترین شێوە سەرژمێرییەکە بکرێت. ئێمە هەوڵدەدەین لەسەر بڵاوکردنەوە و چۆنیەتیی بەکارهێنانی داتاکانەوە هاوکاری بکەین، بەڵام دەیڵێمەوە، ئەمە سەرئەنجام بەرپرسیارێتیی حکومەتی عێراق خۆیەتی و ئەرکی نەتەوە یەکگرتووەکان نییە، چونکە بەرپرسیارێتی UNAMI گۆڕدراوە.

 

 

فەرحان حەق: بەدرێژایی ساڵان نەتەوە یەکگرتووەکان هانی حکومەتی عێراقی داوە کە پەیوەندیی لەگەڵ هەموو پێکهاتە و کۆمەڵگەکانیدا هەبێت و بە هەستیارییەوە بەرامبەر بە نیگەرانییەکانیان بجووڵێتەوە، بەڵام دەیڵێمەوە کە رۆڵی ئێمە لە سەرژمێریدا رۆڵێکی تەکنیکییە. بۆیە ئێمە لەوە زیاتر رۆڵمان نابێت و سەرئەنجام رۆڵەکەمان دابینکردنی شارەزاییە بۆ حکومەتی عێراق. 

 

 

فەرحان حەق: دەیڵێمەوە، ئەوەی هەوڵی بۆ دەدەین ئەوەیە دڵنیا ببینەوە لەوەی کە بەرپرسە پەیوەندیدارەکان لە عێراق و حکومەتی عێراق بەرامبەر بە داخوازییەکانی هەموو بەشە پێکهێنەرەکانی کۆمەڵگەی عێراقی هەستیاربن. دەمانەوێت مامەڵەی لەگەڵ هەموو کۆمەڵگەکاندا هەبێت و، هانیان دەدەین ئەوە بکەن، بەڵام سەرژمێری بۆ ئێمە شتێکە کە لە ئاستی تەکنیکیدا پەیوەندیمان پێوەی هەیە. بەپێی ئەو بەرپرسیارێتییەی ئێستا هەمانە، لەوە زیاتر ناڕۆین. 

 

 

فەرحان حەق: سوپاس.