رووداو دیجیتاڵ
ژمارەیەک هاونیشتمانی لە فڕۆکەخانەی نێودەوڵەتیی هەولێرەوە گەشتیان بۆ لەندەن هەبووە، بەڵام وەکو خۆیان باسی دەکەن، زیاتر لە سێ کاژێرە لە فڕۆکەخانەیەکی بولگاریا راگیراون.
فڕۆکەکە کاژێر 02:30ی دوای نیوەڕۆی هەینی 9ی ئاب لە هەولێرەوە دەستی بە گەشتەکەی کردووە. هاونیشتمانییەک بەناوی شەهرام لە سەرنشینانی فڕۆکەکەیە و بە تۆڕی میدیایی رووداوی گوت، "ترانزێتمان لە فڕۆکەخانەیەکی بولگاریا هەبوو، ماوەکە 45 خولەک بوو، بەڵام نەبراینە ئەو فڕۆکەخانەیە و لە فڕۆکەخانەی سۆفیا پایتەخت فڕۆکەکەمان نیشتەوە."
شەهرام گوتی، "زیاتر لە سێ کاژێرە راگیراوین و رێگەمان نادرێت لە فڕۆکەکە بۆ چا خواردنەوەیەکیش بچینە خوارەوە."
بەگوێرەی ئەو دیمەنانەی لەنێو فڕۆکەکەوە بۆ رووداو نێردراون، لەنێو سەرنشینەکاندا ژن و منداڵیش هەن.
شوان سەرنشینێکی دیکەی فڕۆکەکەیە و بە رووداوی گوت، زیاتر لە 3 کاژێرە راگیراون و پێیان دەڵێن چاوەڕوان بن؛ گوتیشی، "سەرنشینمان تێدایە تەندروستی باش نییە و ناکرێت لەوە زیاتر لە فڕۆکەکەدا بمنێنێتەوە."
![وەزیری دەرەوەی فەرەنسا [نێوەڕاست] لەگەڵ وەزیری دەرەوەی ئەڵمانیا سەردانی ئەحمەد شەرعیان کرد لە دیمەشق. وێنە: Reuters](https://www.rudaw.net/s3/rudaw.net/ContentFiles/844036Image1.jpg?mode=crop&quality=70&rand=1&scale=both&w=362&h=226&version=7261526 "وەزیری دەرەوەی فەرەنسا [نێوەڕاست] لەگەڵ وەزیری دەرەوەی ئەڵمانیا سەردانی ئەحمەد شەرعیان کرد لە دیمەشق. وێنە: Reuters")
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ