رووداو دیجیتاڵ
سەرۆکی ئەمریکا پێشوازیی لە سەردانە "مێژووییەکەی" پاپا فرانسیس، پاپای ڤاتیکان بۆ عێراق و هەرێمی کوردستان کرد و دەڵێت، سەردانەکە پەیامێکی "گرنگ"ی ئاشتی و برایەتیی گەیاند.
جۆ بایدن، سەرۆکی ویلایەتە یەکگرتووەکانی ئەمریکا لەبارەی سەردانەکەی پاپای ڤاتیکان رایگەیاندووە "بینینی سەردانی پاپا فرانسیس بۆ شوێنە دێرینە ئایینییەکان، لەنێویاندا شوێنی لەدایکبوونی پێغەمبەر ئیبراهیم [بەپێی ئینجیل]، کۆبوونەوە لەگەڵ ئایەتوڵڵا عەلی سیستانی لە نەجەف و ئەنجامدانی نوێژ لە موسڵ، ئەو شارەی کە چەند ساڵێک پێش ئێستا بەدەست گەندەڵی و نالێبوردەیی گرووپی وەکو داعش دەیناڵان، سومبولی هیوایە بۆ تەواوی جیهان".
پاپا فرانسیس، پاپای ڤاتیکان لە 5ی ئادار بۆ 7ی ئادار سەردانێکی سێ رۆژەی بۆ عێراق و هەرێمی کوردستان ئەنجامدا، ئەمەش سەرەڕای نیگەرانییە ئەمنی و تەندروستییەکان.
دوای تەوابوونی سەردانەکەی پاپا فرانسیس لە تویتێکدا نووسی "کەنیسە لە عێراق زیندووە، مەسیح زیندووە"، لە دوایین تویتیشیدا ئاماژەی بەوە کرد "عێراق هەمیشە لە دڵمدا دەمێنێتەوە. برا و خوشکانی ئەزیز، داوا لە هەمووتان دەکەم پێکەوە کار بکەن".
بەیانیی رۆژی یەکشەممە 7ی ئاداری 2021، پاپا فرانسیس لە بەغداوە گەیشتە فڕۆکەخانەی نێودەوڵەتیی هەولێر، ئەوە یەکەم سەردانی پاپا بوو بۆ هەولێر و وەکو سەردانێکی مێژوویی دەبیندرێت. سەرۆکی هەرێمی کوردستان لەکاتی پێشوازی لێکردنی ئاماژەی بەوە کرد، "ئێمە بە هەموو پێکهاتەکانی کوردستانەوە شانازی بە سەردانەکەی دەکەین و... هەمیشە لەگەڵ ئاشتی و دیالۆگداین."
نێچیرڤان بارزانی، سەرۆکی هەرێمی کوردستان بە پاپا فرانسیسی راگەیاند، "بەناوی هەرێمی کوردستانەوە زۆر بە گەرمی بەخێرهاتنی قەداسەتی پاپا فرانسیس دەکەین.. سەردانیان رووداوێکی مێژوویی مەزنە و جێگەی ئەوپەڕی شانازی و خۆشحاڵییە. ئێمە بە هەموو پێکهاتەکانی کوردستانەوە شانازی بە سەردانەکەی دەکەین. بڕوای تەواومان بە ئازادی و فرەئایینی هەیە".
سەرۆکی هەرێمی کوردستان باسی لەوەشکرد، لێبووردەیی، پێکەوەژیان و یەکدی قبووڵکردنی نێوان پێکهاتەکان، ناسنامە و کولتووری کوردستانییانە. نێچیرڤان بارزانی ئەوەشی گوت، بە هەموو توانایەکیانەوە بەرگری لەو پێکەوەژیانە دەکەن و "هەمیشە لەگەڵ ئاشتی و دیالۆگداین".
دوای گەیشتنی بە فڕۆکەخانەی نێودەوڵەتیی هەولێر و کۆبوونەوەی لەگەڵ نێچیرڤان بارزانی، سەرۆکی هەرێمی کوردستان، پاپا فرانسیس لەگەڵ سەرۆک مەسعود بارزانی کۆبووەوە، بەپێی راگەیێندراوی بارەگای بارزانی لەبارەی کۆبوونەوەکە، پاپا فرانسیس سوپاسی سه‌رۆك بارزانیی كردووە بۆ پاراستنی پێكهاته ئایینی و نه‌ته‌وه‌ییه‌كان له هه‌رێمی كوردستان.
هاوکات مەسرور بارزانی، سەرۆکوەزیرانی هەرێمی کوردستان لە تویتێکدا لەبارەی پێشوازیکردن لە پاپای ڤاتیکان ئاماژەی بەوە کرد، پەیامی خۆشەویستی و لێبووردەیی پاپا فرانسیس و ئەو پێشوازییەی لێیکرا، پابەندیی ئەوان دووپاتدەکاتەوە بۆ ئاگاداربوون لە دۆخی هەژاران، پەراوێزخراوان و ئەوانەی چەوساونەتەوە.
لە تویتەکەیدا سەرۆکوەزیرانی هەرێمی کوردستان گوتیشی، پێکەوە دەوەستین بۆ بەرگری لە ئازادیی ئایینی و جیاوازییەکان، ئەوەش لەلایەن چەندین نەوەوە بەردەوامی هەبووە، دواترینیان دانانەوەی خاچی سەر کەنیسەیەکی باشیک لەلایەن "پێشمەرگە قارەمانەکانەوە".
لە سەردانەکەیدا بۆ ناوەڕاست و باشووری عێراق پاپای ڤاتیکان لەگەڵ چەندین کەسایەتیی ئەو وڵاتە کۆبووەوە و سەردانی چەندین شوێنێکی مێژووییشی کرد، لەنێویاندا شاری مێژوویی ئوور کە بەپێی ئینجیل وەکو شوێنی لەدایکبوونی پێغەمبەر ئیبراهیم (د. خ) ناسراوە.
سەرۆکی ئەمریکا پێشوازیی لە سەردانە "مێژووییەکەی" پاپا فرانسیس، پاپای ڤاتیکان بۆ عێراق و هەرێمی کوردستان کرد و دەڵێت، سەردانەکە پەیامێکی "گرنگ"ی ئاشتی و برایەتیی گەیاند.
جۆ بایدن، سەرۆکی ویلایەتە یەکگرتووەکانی ئەمریکا لەبارەی سەردانەکەی پاپای ڤاتیکان رایگەیاندووە "بینینی سەردانی پاپا فرانسیس بۆ شوێنە دێرینە ئایینییەکان، لەنێویاندا شوێنی لەدایکبوونی پێغەمبەر ئیبراهیم [بەپێی ئینجیل]، کۆبوونەوە لەگەڵ ئایەتوڵڵا عەلی سیستانی لە نەجەف و ئەنجامدانی نوێژ لە موسڵ، ئەو شارەی کە چەند ساڵێک پێش ئێستا بەدەست گەندەڵی و نالێبوردەیی گرووپی وەکو داعش دەیناڵان، سومبولی هیوایە بۆ تەواوی جیهان".
پاپا فرانسیس، پاپای ڤاتیکان لە 5ی ئادار بۆ 7ی ئادار سەردانێکی سێ رۆژەی بۆ عێراق و هەرێمی کوردستان ئەنجامدا، ئەمەش سەرەڕای نیگەرانییە ئەمنی و تەندروستییەکان.
دوای تەوابوونی سەردانەکەی پاپا فرانسیس لە تویتێکدا نووسی "کەنیسە لە عێراق زیندووە، مەسیح زیندووە"، لە دوایین تویتیشیدا ئاماژەی بەوە کرد "عێراق هەمیشە لە دڵمدا دەمێنێتەوە. برا و خوشکانی ئەزیز، داوا لە هەمووتان دەکەم پێکەوە کار بکەن".
بەیانیی رۆژی یەکشەممە 7ی ئاداری 2021، پاپا فرانسیس لە بەغداوە گەیشتە فڕۆکەخانەی نێودەوڵەتیی هەولێر، ئەوە یەکەم سەردانی پاپا بوو بۆ هەولێر و وەکو سەردانێکی مێژوویی دەبیندرێت. سەرۆکی هەرێمی کوردستان لەکاتی پێشوازی لێکردنی ئاماژەی بەوە کرد، "ئێمە بە هەموو پێکهاتەکانی کوردستانەوە شانازی بە سەردانەکەی دەکەین و... هەمیشە لەگەڵ ئاشتی و دیالۆگداین."
نێچیرڤان بارزانی، سەرۆکی هەرێمی کوردستان بە پاپا فرانسیسی راگەیاند، "بەناوی هەرێمی کوردستانەوە زۆر بە گەرمی بەخێرهاتنی قەداسەتی پاپا فرانسیس دەکەین.. سەردانیان رووداوێکی مێژوویی مەزنە و جێگەی ئەوپەڕی شانازی و خۆشحاڵییە. ئێمە بە هەموو پێکهاتەکانی کوردستانەوە شانازی بە سەردانەکەی دەکەین. بڕوای تەواومان بە ئازادی و فرەئایینی هەیە".
سەرۆکی هەرێمی کوردستان باسی لەوەشکرد، لێبووردەیی، پێکەوەژیان و یەکدی قبووڵکردنی نێوان پێکهاتەکان، ناسنامە و کولتووری کوردستانییانە. نێچیرڤان بارزانی ئەوەشی گوت، بە هەموو توانایەکیانەوە بەرگری لەو پێکەوەژیانە دەکەن و "هەمیشە لەگەڵ ئاشتی و دیالۆگداین".
دوای گەیشتنی بە فڕۆکەخانەی نێودەوڵەتیی هەولێر و کۆبوونەوەی لەگەڵ نێچیرڤان بارزانی، سەرۆکی هەرێمی کوردستان، پاپا فرانسیس لەگەڵ سەرۆک مەسعود بارزانی کۆبووەوە، بەپێی راگەیێندراوی بارەگای بارزانی لەبارەی کۆبوونەوەکە، پاپا فرانسیس سوپاسی سه‌رۆك بارزانیی كردووە بۆ پاراستنی پێكهاته ئایینی و نه‌ته‌وه‌ییه‌كان له هه‌رێمی كوردستان.
هاوکات مەسرور بارزانی، سەرۆکوەزیرانی هەرێمی کوردستان لە تویتێکدا لەبارەی پێشوازیکردن لە پاپای ڤاتیکان ئاماژەی بەوە کرد، پەیامی خۆشەویستی و لێبووردەیی پاپا فرانسیس و ئەو پێشوازییەی لێیکرا، پابەندیی ئەوان دووپاتدەکاتەوە بۆ ئاگاداربوون لە دۆخی هەژاران، پەراوێزخراوان و ئەوانەی چەوساونەتەوە.
لە تویتەکەیدا سەرۆکوەزیرانی هەرێمی کوردستان گوتیشی، پێکەوە دەوەستین بۆ بەرگری لە ئازادیی ئایینی و جیاوازییەکان، ئەوەش لەلایەن چەندین نەوەوە بەردەوامی هەبووە، دواترینیان دانانەوەی خاچی سەر کەنیسەیەکی باشیک لەلایەن "پێشمەرگە قارەمانەکانەوە".
لە سەردانەکەیدا بۆ ناوەڕاست و باشووری عێراق پاپای ڤاتیکان لەگەڵ چەندین کەسایەتیی ئەو وڵاتە کۆبووەوە و سەردانی چەندین شوێنێکی مێژووییشی کرد، لەنێویاندا شاری مێژوویی ئوور کە بەپێی ئینجیل وەکو شوێنی لەدایکبوونی پێغەمبەر ئیبراهیم (د. خ) ناسراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ