جیهان
وێنەیەکی ئەرشیفی نێچیرڤان بارزانی، سەرۆکی هەرێمی کوردستان و ئیمانوێل ماکرۆن، سەرۆککۆماری فەرەنسا.
رووداو دیجیتاڵ
نێچیرڤان بارزانی، سەرۆکی هەرێمی کوردستان دوای بەشداریکردنی لە رێوڕەسمی کردنەوەی کاتێدراڵی نۆتردام لە پاریس گوتی، "بەبۆنەی ئەم دەستکەوتە مەزنەوە، پیرۆزبایی لە هاوڕێم سەرۆک ماکرۆن دەکەم."
سەرۆکی هەرێمی کوردستان لە تۆڕی کۆمەڵایەتیی ئێکس هەروەها گوتی، "ئەم بۆنە مێژووییە هێمای خۆڕاگریی و پاراستنی میراتی هاوبەشی مرۆییمانە."
ئێوارەی رۆژی شەممە، 7-12-2024، نێچیرڤان بارزانی، سهرۆكى ههرێمى كوردستان، لهسهر بانگهێشتى فهرميى ئيمانوێل ماكرۆن، سهرۆكکۆماری فهرهنسا، لهگهڵ ژمارهيهک له سهرۆک و سەرکردەکانی جيهان له پاريس، بەشداري لە رێوڕەسمی سەرلەنوێ کردنەوەی كاتێدرالى مێژوویی نۆتردام کرد.
سەرۆکایەتیی هەرێمی کوردستانیش لەوبارەیەوە رایگەیاند، "بانگهێشت و بەشداریکردنی سهرۆک نێچيرڤان بارزانى لهم رێوڕهسمهدا، نيشانهى دۆستايهتى و پهيوهنديى پتهوى نێوان فهرهنسا و ههرێمى كوردستانه، ههروهها گرنگيى رۆڵ و پێگهى ههرێمى كوردستان لهسهر ئاستى ناوچهكه و پهيوهندييه ديپلۆماسييه نێودهوڵهتييهكاندا نيشان دهدات."
سەرۆکایەتیی هەرێمی کوردستان دەڵێت، "جگه له پهيوهنديى ديپلۆماسى، هاريكاريى هاوبهشى فهرهنسا لهگهڵ عێراق و ههرێمى كوردستان له بوارى كولتووريدا، بوارێكى ديكهى پهيوهندييهكانی ههردوولايه."
لەدواى کۆتاییهاتنی رێوڕهسمهكه، نێچیرڤان بارزانی لهگهڵ سهرۆك و سهركردهى وڵاتان، له كۆشكى ئێليزێ ئامادهى ئێوارهخوانێك بوو كه ماكرۆن بۆ ميوانان و بهشدارانى رێورهسمهكه، ئامادهى كردبوو.
کاتێدرالی نۆتردام لە ساڵی 2019 سووتا. دوای پێنج ساڵ کارکردن بۆ نۆژەنکردنەوەی، دوێنێ شەممە کرایەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ