"رۆبۆتەکان 10 هێندەی مرۆڤەکان خێراتر، پاکتر و بەسەروبەرترن"
رووداو - هەولێر
لە رێستۆرانتێکی شەنگەهای رۆبۆت خزمەتی سەردانکەران دەکەن. میوانەکان هەرچەندە گلەییان لە خواردن هەبێت، رۆبۆتەکان روویان گرژناکەن و بە هێمنی و بە خێرایی خواردنەکە دەگۆڕن.
لەوەتەی رێستۆرانتەکە ئەم رۆبۆتانەی داناوە، خاوەنەکەی لە پشوودایە و میوانەکانیش ئاسوودن. ئەمە جیا لەوەی دەنگی بێزارکەری قاپ و هاواری کارمەندان نابیسترێت.
وینگ وی، بەڕێوەبەری کۆمپانیای ماندارین دەڵێ "دەتوانی بزانیت کە رێک چەندی پێدەچێت تا خواردنەکەت پێدەگات و دەگات، بەدڵنیاییەوە ئەمە دوای داواکردنی. دەتوانی راستەوخۆ بزانی خواردنەکەت لەکوێیە کاتێ بەڕێوەیە. پرۆسەیەکی تەواو دیجیتاڵییە. هەر کە کێشەیەک دروستبوو، دەتوانی بیگەڕێنیتەوە و چاکی بکەی، ئەمە هەنگاوێکی گەورەیە لە ئاسایشی خۆراکدا".
لەم رێستۆرانتەدا ئەوەی لەسەر میوان پێویستە ئەوەیە لەسەر کورسی دابنیشێت و خواردنەکەی داوابکات.
بەگوێرەی بەدواداچوونێکی چاودێرانی ئاسایشی خۆراک، خزمەتکردنی ئەم رۆبۆتانە لە رێستۆرانتەکەدا 10 هێندەی خزمەتکردنی مرۆڤەکان خێراتر، پاکتر و بەسەروبەرترە، ئەمە جگە لەوەی نرخی خواردنەکانیش کەمترە، چونکە پارەی کارنەکردن بە کارمەندانیش بۆ خاوەن رێستۆرانتەکە گەڕاوەتەوە.
پێداچوونەوە: هەڵات رێبوار
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ