هەڵەیەک روویدا! دووبارە هەوڵبدە
رووداو دیجیتاڵ
هەموو ساڵێک لە ئاهەنگی لەدایکبوونیدا باوکی بوتڵێک خواردنەوەی کهولی 18 ساڵەی بە دیاری بۆ کڕیوە، ئێستا لە تەمەنی 28 ساڵیدا دەیەوێت بیانفرۆشێت و خانووێکی پێبکڕێت.
ماتیۆ رۆبسۆن لە ساڵی 1992 لە دایکبووە و خەڵکی تاونتۆنی بەریتانیایە، بە درێژایی تەمەنی باوکی 28 بوتڵ ماکالانی بەبەهای 5000 پاوند بۆ کڕیوە و ئێستا ئەوەی کۆی کردووەتەوە نرخەکەی دەگاتە سەروو 40 هەزار پاوند.
ماتیۆ زۆر خۆشحاڵە بەوەی بتوانێت بە دیارییەکانی باوکی خانووێک بکڕێت و دەڵێت، ساڵانە بەدیاری بوتڵێکی وەرگرتووە، لەو کاتەشدا تەمەنی کەم بووە و نەیتوانیوە خواردنەوەی کهولی بخواتەوە بۆیە وەکو خۆی هێشتوویەتیەوە و ئێستا دەیەوێت بیانفرۆشێتەوە.
ماتیۆ لەبارەی ئەو دیارییەی ساڵانە وەریدەگرت دەڵێت، هەموو ساڵێک وەک دیاریی رۆژی لەدایکبوون وەرمدەگرت، پێموابوو دیارییەکی بچووکە و هەڵمدەگرت بۆ ئەوەی کە گەنج بووم بیخۆمەوە.
ئەو دەڵێت لە ژێر رێنمایی توونددا بووە بۆ ئەوەی نەیانکاتەوە ئەویش پابەندی رێنماییەکان بووە و ئێستا هەموو بوتڵەکان ساغن و هیچیان نەکراونەتەوە.
باوکی ناوی پیتە و خەڵکی میلناتۆرتی سکۆتلەندایە، دەڵێت یەکەم بوتڵە ویسکی ساڵی 1974ـی بۆ تەڕکردنی سەری کۆرپەکەی لەساڵی 1992 کڕیوە. هەروەها دەڵێت، زۆر سەرنجڕاکێش بوو، دەمویست تاوەکو تەمەنی 18 ساڵی بەردەوام بم و لەو تەمەنە 18 بوتڵی هەبێت، بەڵام درێژەمان پێدا تاوەکو ئێستا و ئەوە بووەتە دیارییەکی بێ هاوتا بۆی.
خوارنەوە کهولییەکان لە جۆری ویسکین، مارک لیتلەر کە رازیبووە هەموو بوتڵەکان بکڕێت پێیوایە لە ساڵانی رابردوو نرخی ئەو جۆرە خواردنەوانە گران بوون و گرانتریش دەبن، بۆیە ئەویش دەیەوێت لەو رێگەیەوە قازانجێک بکات.
بەگوتەی مارک لیتلەر بەهای ماکالان لە ماوەی 5 بۆ 10 ساڵی رابردوو زۆر بەرز بووەتەوە و زۆر خواستی لەسەرە بۆکڕینی.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ