لە ئەمریکا رێگەیەک بۆ بارگاویکردنەوەی ئۆتۆمبێلی کارەبایی دروستدەکرێت

 

رێگەی بارگاویکردنی ئۆتۆمبێل بەشێوەیەکی وایرلێس کاردەکات و ژێرخانی بارگاویکردنەوە لەژێر قیری رێگەکە جێگیرکراوە؛ ئەمەش وادەکات ئۆتۆمبێلە کارەباییەکان بەدرێژایی رێگەکە و لە کاتی رۆیشتنیاندا بارگاویبکرێن بەبێ ئەوەی پێویست بکات شۆفێرەکە ئۆتۆمبێلەکەی رابگرێت. 

 

ئێلیکترۆن وایرلێس کۆمپانیایەکی ئیسرائیلییە کە شێوازی بارگاویکردنەوەی بەبێ پلاگ لە ئەوروپا لەژێر تاقیکردنەوەدایە و بڕیارە یەکەم تاقیکردنەوەی لە ئەمریکا لە سەرەتای ساڵی داهاتوودا لە شاری دێترۆیتی ویلایەتی میشیگان دەست بە تاقیکردنەوەی بکرێت.

 

رێگەکە بە درێژایی کیلۆمەترێک و 600 مەتر دروستدەکرێت و بەمەش ئۆتۆمبێلەکە لە کاتی وەستان یان لێخوڕین بەشێوەیەکی خۆکارانە بارگاوی دەبێتەوە. چاوەڕوان دەکرێت لە سەرەتای ساڵی 2023 دا تەواو ئامادەبێت. 

 

ویلایەتی میشیگان 1.9 ملیۆن دۆلار لە دروستکردنی رێگەکەدا خەرجدەکات. چاوەڕوان دەکرێت تاوەکو ساڵی 2027 نزیکەی 827 ملیۆن دۆلار لە سەرانسەری جیهان لە دروستکردنی رێگەی هاوشێوەدا خەرجبکرێت.