لە ئیندۆنیزیا بەهۆی رووداوێکی ئاگرکەوتنەوەوە 17 کەس گیانیان لەدەستدا

رۆژی شەممە، 4ـی شوباتی 2023، فەرمانگەی ئاگرکوژاندنەوەی ئیندۆنزیا رایگەیاند، شەوی رابردوو رووداوێکی ئاگرکەوتنەوە لە جاکارتای پایتەختی وڵاتەکە هەبووە و بووەتە هۆی گیانلەدەستدانی 17 کەس و برینداربوونی نزیکەی 50 کەسی دیکە. 

 

تاوەکو ئێستا هۆکاری ئاگرکەوتنەوەکە روون نییە و بەرپرسانی وڵاتەکەش لێکۆڵینەوەیان لە رووداوەکە دەستپێکردووە. 

 

سوگێنگ سوپاروۆتۆ، سەرۆکی لیژنەی وزە لە پەرلەمانی ئیندۆنیزیا رایگەیاند: "لەدوای ئەوەی چەند رووداوێکی ئاگرکەوتنەوە روویاندا، روونە کە دەبێت پێداچوونەوە بە هەموو دامەزراوە و ژێرخانێکی سووتەمەنیدا بکەین، بەتایبەتی پاڵاوگەکان". 

 

لە ساڵی 2021دا رووداوێکی هاوشێوە لە پاڵاوگەی بالۆنگان لە پارێزگای وێست جاڤای ئیندۆنیزیا کەوتەوە کە لەلایەن حکومەتەوە خاوەندارێتی دەکرێت. 

 

هەمان پاڵاوگە، پێشتر لە ساڵەکانی 2009 و 2014 گڕی گرت و 40 خانووی دەوروبەری سووتاند.