کۆریای باکوور 23 مووشەکی بالیستی تاقیکردەوە و کۆریای باشووریش دەڵێت ئەوە "داگیرکاری"یە

 

رۆژی چوارشەممە 2-11-2022، کۆریای باکوور زیاتر لە 20 مووشەکی بالیستی تاقیکردەوە و بە ژمارەیەک تۆپهاوێژیش بۆردوومانی "بەفەر زۆن"ی کرد کە ئەمریکا و کۆریای باشوور مانۆڕێکی سەربازیی ئاسمانیی فراوانی تێدا دەکەن.

 

فەرماندەی سوپای سیئۆل باس لەوە دەکات، یەکێک لە مووشەکەکان بە رادەیەک نزیکبووەتەوە لە کۆریای باشوور کە لە دوای دابەشبوونی دوورگەکەوە لە ساڵی 1953 رووینەداوە مووشەکێکی کۆریای باکوور ئەوەندە لە سنوورەکانی کۆریای باشوور نزیکبێتەوە.

 

نووسینگەی سەرۆکایەتیی یوون سوکیۆڵ، سەرۆکی کۆریای باشوور رایگەیاند: "سەرۆک یوون ئەمڕۆ ئاماژەی بەوە کردووە، جموجووڵەکانی کۆریای باکوور پێشێلکارییەکی کاریگەری خاکەکەمانە".

 

23 مووشەکەکەی پیۆنگیانگ پێکهاتبوون لە حەوت مووشەکی بالیستی کورتبڕ و شەش مووشەکی دیکەی دوورهاوێژ. هاوکات بە 100 گوللـە تۆپ ناوچەی "بەفەر زۆن"ی کردە ئامانج کە لە 2018 بۆ کەمکردنەوەی گرژییەکانی نێوان هەردوو کۆریاکە دامەزرا.