نیوزیلەندا رێکارە خۆپارێزییەکان لە کۆرۆنا هەڵدەوەشێنێتەوە

 

 

ئاردێرن پلانێکی پێنج هەنگاوی راگەیاند بۆ ئەوەی نیوزیلەندا سنوورەکانی بکاتەوە و دووبارە لەگەڵ تەواوی جیهان گرێبدرێتەوە.

 

پلانەکە بە لابردنی کەرەنتین بۆ هاووڵاتیانی نیوزلەندا کە لەدەرەوەی وڵاتەوە دەگەڕێنەوە، دەستپێدەکات. 

جاسیندا ئاردێرن کە ماوەیەکی زۆرە لە لایەن خەڵکی وڵاتەکەیەوە گوشاری خراوەتە سەر بۆ ئەوەی رێکارە خۆپارێزییەکان لە سنوور و فڕۆکەخانەکدا شل بکاتەوە کە لە سەرەتای کۆرۆناوە سەپێنرابوون، دەڵێت: "کاتی ئەوە هاتووە دووبارە بجوڵێین".

 

سەرۆکوەزیرانی نیوزیلەندا دەشڵێت: "خێزان و هاوڕێکان پێویستیان بەوەیە دووبارە یەکبگرنەوە، بازرگانییەکانمان پێویستی بە بەرەوپێشبردنی تواناکانە، هەناردەکارانیش پێویستیان بە ئەنجامدانی گەشتی نوێیە بۆ ئەوەی پەیوەندیی نوێ دروستبکەن."

 

دوای لابردنی کەرەنتین بۆ هەڵگرانی وەڵاتینامەی نیوزلەندی، قۆناخ بە قۆناخ هەمان ئاسانکاری بۆ کۆچبەرانی خاوەن بەهرە، قوتابییە نێودەوڵەتییەکان، ئوستڕالیەکان و بیانییە کوتراوەکان دەکرێت. 

 

بە گوێرەی پلانەکە، ئەوانەی لە دەرەوە دەگەڕێنەوە نیوزیلەندا، لە بری ئەوەی 10 رۆژ لە هوتێلدا خۆیان کەرەنتین بکەن، پێویستە بۆ ماوەی 10 رۆژ لە ماڵەکانیاندا خۆیان لەوانی دیکە جیابکەنەوە.