بەندکراوێک لە فەرەنسا پێنج کارمەندی زیندانەکەی بە بارمتە دەگرێت

بەندکراوەکە چوار پەرستار و پاسەوانێکی بە بارمتە گرتوون.

 

رووداوەکە لە شاری ئاڵ روویداوە و بەپێی زانیارییە سەرەتاییەکان، بەندکراوەکە باری دەروونی ناجێگیرە.

 

بەگوێرەی سەرچاوەکە رووداوەکە لە کاژێر 01:15 خولەکی دوانیوەڕۆی ئەمڕۆ هەینی روویداوە. 

 

پۆلیسی بەندینخانەکە دەڵێت، بەندکراوەکە 37 ساڵە و بەتاوانی "دەستدرێژیکردن" بەندکراوە و پرۆفایلی "تیرۆریستی" نییە.

 

پۆلیس هەروەها دەڵێت، بەندکراوەکە داوای کردووە بگوازرێتەوە بۆ زیندانێکی دیکە و "ئێستا دۆخەکە ئارام بووەتەوە".

 

سەرچاوەیەکی ئاگادار لە کەیسەکە دەڵێت، سزای زیندانی بەندکراوەکە تاوەکو ساڵی 2031ـە.