لە گەرمای هاویندا مەلەی تێدا دەکەن
رووداو - هەولێر
لە شاری ڤیەننا مەلەوانگەیەک بۆ ژمارەیەک فیل کراوەتەوە. کردنەوەی مەلەوانگەکە لەکاتێکدایە کە پلەی گەرما لە هاویندا دەگاتە 40 پلە لەو شارە.
مەلەوانگە و گەرماوی فیلەکان لە شاری ڤیەننای پایتەختی نەمسا، دەرگای بۆ فیلەکان کرایەوە، سەرپەرشتیاری باخچەی ئاژەڵانی ڤیەننا دەڵێت، ئامادەبوونی ئەو مەلەوانگە و گەرماوە، لەکاتی خۆیدا بووە، چونکە پلەی گەرما لەم مانگەدا بەرز دەبێتەوە بۆ نزیکەی 40 پلەی سیلیزی.
کۆی ئەو ئاوەی کە بۆ شووشتن و مەلەوانی فیلێک بەکاردەهێندرێت، بەرامبەرە بە بڕی ئەو ئاوەی کە بۆ هەزار و 500 مرۆڤ بەکاردەهێندرێت.
هارالد شوامەر، جێگری بەڕێوەبەری باخچەی ئاژەڵانی ڤیەننا دەڵێت، ئەو گەرماوەی فیلەکان زۆر گەورەیە و دەگاتە 225 مەتر چوارگۆشە، بۆیە ئەوە گونجاوە بۆ فیلەکان.
داڕشتنەوە: حەکیم داود
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ