هەڵەیەک روویدا! دووبارە هەوڵبدە
جیهان
دوای موشەکبارانی رووسیا بۆسەر ناوچەیەکی ئۆکراینا، ئاگرکوژێنەوەکان سەرقاڵی کۆنترۆڵکردنی ئاگرەکەن
prev
next
رووداو دیجیتاڵ
وەزیری دەرەوەی ئەڵمانیا رەخنە لە حکومەتی رووسیا دەگرێت و دەڵێت، ئاستەنگ بۆ گفتوگۆکانی تایبەت بە راگرتنی جەنگ دروست دەکات.
رۆژی سێشەممە 1ی نیسانی 2025 ئەنالینا بێربۆک، وەزیری دەرەوەی ئەڵمانیا سەردانی کیێڤی پایتەختی ئۆکراینای کرد و لەگەڵ هاوتا ئۆکرایینیەکەی کۆبووەوە.
دوای کۆبوونەوەکە وەزیری دەرەوەی ئەڵمانیا رەخنەی لە سیاسەت و هەنگاوەکانی حکومەتی رووسیا گرت و بە دیاریکراویش لەبارەی ڤلادیمیر پووتین، سەرۆکی رووسیا گوتی: "ئەو رێگەیەک بۆ دوورکەوتنەوە لە گفتوگۆکان دەدۆزێتەوە، بەردەوامی بە جەنگە شەڕەنگێزییە نایاساییەکەی دەدات، گرژییەکان زیاد دەکات و هێرش دەکاتە سەر ماڵ و حاڵی خەڵکی."
بێربۆک گوتیشی، "ناتواندرێت لەم دۆخەدا متمانە بە پووتین بکرێت. ئاشتی راستەقینە و بەردەوام تەنیا کاتێک بەدەست دەهێندرێت کە سەرۆکی رووسیا بزانێت ناتوانێت ئەم جەنگە بباتەوە و هەوڵەکانی بۆ وێرانکاری شکستیان هێناوە."
رۆژی 11ی ئاداری ئەم ساڵ، ئۆکراینا رەزامەندی بۆ پلانێکی ئەمریکا بۆ ئاگربەستێکی 30 رۆژە لە جەنگی ئۆکراینا پیشاندا. دواتر رووسیا رەتیکردەوە بە پێشنیازەکە رازی بێت و گوتی، دەیانەوێت گفتوگۆ لەگەڵ سەرکردایەتییەکی نوێی ئەو وڵاتە بکەن.
سەردانی وەزیری دەرەوەی ئەڵمانیا بۆ کیێڤ یەکەم سەردانی ئەو بەرپرسەیە بۆ ئۆکراینا دوای دەستبەکاربوونی دۆناڵد ترەمپ، سەرۆکی ئەمریکا لە رۆژی 20ی کانوونی دووەمی ئەم ساڵ. لەو کاتەوە ترەمپ کاری بۆ ئاگربەست کردووە.
شوباتی 2022 جەنگی مۆسکۆ و کیێڤ بە هێرشی رووسیا بۆ سەر ئۆکراینا دەستیپێکرد. لەو کاتەوە ئەڵمانیا بایی 28 ملیار دۆلار هاوکاری سەربازی پێشکێشی ئۆکراینا کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ