رووداو دیجیتاڵ
یانەی یوڤێنتوسی ئیتاڵی بەفەرمی گواستنەوەی مۆیس کین، ئەستێرەی ئیتاڵی و یانەی ئێڤێرتۆنی ئینگلیزیی بۆ ریزەکانی راگەیاند.
یوڤێنتوس لە راگەیێندراویکی فەرمیدا گواستنەوەی یاریزانەکەی بەشێوەی خواستن بۆ ماوەی دوو وەرز، لەگەڵ ئەگەری کڕینەوەی یاریزانەکە بەشێوەی هەمیشەیی راگەیاند.
لە ساڵی یەکەمی گواستنەوەکەیدا 3 ملیۆن یۆرۆ دەدرێتە یانەی ئێڤێرتۆن، لە ساڵی دووەمدا یوڤێنتوس 4 ملیۆن یۆرۆ دەداتە یانە ئینگلیزییەکە، لە ئەگەری کڕینەوەشدا یانەکە 28 ملیۆن یۆرۆ بۆ گواستنەوەی یاریزانەکە دەداتە یانەی ئێڤێرتۆن.
مۆیس کین ئەمە جاری دووەمە یاری بۆ یانەی یوڤێنتوس دەکات، پێشتر لەگەڵ ئەو یانەیە دەرکەوتووە و لە 16 یارییدا بەدرێسی ئەو یانەیە 7 گۆڵی تۆمارکردووە.
کین لە پاریس سانجێرمانیش یارییکردووە، لە 26 یارییدا 13 گۆڵی تۆمارکردووە.
لەسەر ئاستی نێودەوڵەتی مۆیس کین 9 یاریی بۆ هەڵبژاردەی ئیتاڵیا ئەنجامداوە و 2 گۆڵی تۆمارکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ