ئەمریکا مێنێرۆ 1-4 پاڵمێراس
رووداو دیجیتاڵ
یانەی پاڵمێراس 3 خاڵی زۆر گرنگی بەدەستهێنا و خۆی گەیاندە پلەی دووەمی ریزبەندیی خولی تۆپی پێی بەرازیل.
پاڵمێراس بووە میوانی ئەمریکا مێنێرۆ و بە ئەنجامی 4-1 لێیبردەوە.
لە خولەکی 18 پاڵمێراس دەستپێشخەری کرد و لە رێگەی موریلۆوە گۆڵی یەکەمی تۆمارکرد.
لە خولەکی 26 پاڵمێراس لەلایەن روونیلسۆن باربۆساوە بووە خاوەنی گۆڵی دووەم و باربۆسا لەسەر شێوازی کریستیانۆ رۆناڵدۆ ئاهەنگی گێڕا.
شەش خولەک بەر لە کۆتاییهاتنی نیوەی یەکەم، یانەی خاوەن یاریگە لە رێگەی نیکۆلاس ڤیکیاتۆوە گۆڵێکی تۆمارکرد و جیاوازییەکەی کەمکردەوە.
لە نیوەی دووەمدا پاڵمێراس دوو گۆڵی دیکەی تۆمارکرد، کە لە خولەکی 53 ئارتۆر گۆڵی سێیەمی کرد و لە خولەکی 59 روونیلسۆن باربۆسا گۆڵی دووەمی خۆی و چوارەمی یانەکەی تۆمارکرد.
بەم سەرکەوتنە، پاڵمێراس بە کۆکردنەوەی 31 خاڵ و بەجیاوازی گۆڵ لەگەڵ فلامینگۆی سێیەم، پلەی دووەمی گرتووە، ئەمریکا مێنێرۆش 10 خاڵی هەیە و پلەی نۆزدەم و پێشکۆتایی ریزبەندی گرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ