رووداو دیجیتاڵ
گۆڤاری فۆربسی ئەمریکی لیستی بەهادارترین یانەکانی جیهانی بڵاوکردەوە، یانەی ریال مەدریدی ئیسپانی پلەی یەکەمی ریزبەندەکەی گرتووە.
گۆڤارەکە ئەمڕۆ لیستی نوێی بەهادارترین یانە وەرزشییەکانی لەسەر ئاستی جیهان بڵاوکردەوە و دەڵێت "لە چاو ساڵی رابردوو 2.5٪ بەهای یانەکان بەرزبووەتەوە هۆکارەکەشی ئەوەیە کە بەهای کۆمپانیاکان بەرزبووەتەوە و کاریکردووەتە سەر تیپەکانیش.
لە 10 پلەی یەکەمی بەهادارترین یانەکانی جیهان، تەنیا یەک یانەی ئەڵمانی و یەکێکی فەرەنسی، دوو یانەی ئیسپانی دەبینرێن و 6 یانەی ئینگلیزی لە ریزبەندەکەدا ناویان هەیە.
بەپێی لیستە نوێیەکە، ریال مەدریدی ئیسپانی و خاوەنی 14 نازناوی خولی یانە پاڵەوانەکانی ئەوروپا، بەهادارترین یانەی جیهانە کە بەهاکەی دەگاتە 6.07 ملیار دۆلار.
یانەی مانچێستەر یونایتدی ئینگلیزی کە لە بەنێوبانگترین یانەکانی جیهانە و خاوەنی ژمارەیەکی زۆری هاندەرە لەسەر ئاستی جیهان، بەهاکەی 6 ملیار دۆلارە و لە پلەی دووەمی ریزبەندی لیستەکەیە.
یانەی بارسێلۆنای ئیسپانی پلەی سێیەمی ریزبەندی بەهادارترین یانەکانی جیهانی گرتووە و بەپێی لیستە نوێیەکە بەهاکەی دەگاتە 5.51 ملیار دۆلار.
ریزبەندی بەهادارترین 10 یانەی جیهان بەمشێوەیەیە
1- ریال مەدرید 6.07 ملیار دۆلار
2- مانچێستەر یونایتد 6 ملیار دۆلار
3- بارسێلۆنا 5.51 ملیار دۆلار
4- لیڤەرپوول 5.29 ملیار دۆلار
5- مانچێستەر سیتی 4.99 ملیار دۆلار
6- بایرن میونشن 4.86 ملیار دۆلار
7- پاریس سانجێرمان 4.21 ملیار دۆلار
8- چێڵسی 3.1 ملیار دۆلار
9- تۆتێنهام 2.8 ملیار دۆلار
10- ئارسیناڵ 2.26 ملیار دۆلار
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ